Næmingarnir skulu duga sangin 'Rudolf', ið liggur niðanfyri, og seinasta ørindi av sanginum 'Sleðurokk' til mánadagin. Vit skulu framføra hendan sangin til jólahaldið.
Av tí at eingin jólaveitsla verður fyri okkara flokk, hava vit valt at hava ein heilan dag við jólahugna týsdagin 15. des. :) Sí listan niðanfyri, hvat hvør skal hava við.
Gott vikuskifti :)
Vinaliga
Toymið
Skriv um jólamánaðin liggur niðanfyri.
Jólahaldið í ár verður bert fyri foreldrini hjá næmingum í 3. og 6. flokki, ið ganga Lusia og framføra jólaleik. Næmingarnir í 1.-2. og 4.-5. flokki skulu tó líka inn at syngja sínar sangir til jólahaldið, ið verður 16. des. kl.17.00-18.00. Tit frætta nærri, nær næmingarnir skulu møta.
Minnið endiliga børn tykkara á at læna frílesingarbøkur (føroyska og danska) á veg í skúla ella á veg heim. Tey sleppa ikki at læna í lesiløtuni, og vit læna heldur ikki bøkur hvørja ferð vit hava føroyskt.
Gott vikuskifti :)
Vinaliga
Toymið
Vaktirnar í dag til 'Børn hjálpa børnum' :)
Allir næmingarnir bakaðu fríggjadagin smákøkur, ið vit fara at selja komandi fríggjadag. Tað vóru tó nøkur, ið heldur valdu at hava ítrótt enn at baka. Onnur vóru skjót at taka teirra pláss eina eyka ferð í køkinum, so tað gekk alt so sera væl. Børnini hugnaðu sær óført og vóru sera røsk. Nakrar myndir eru lagdar út.
Mánadagin fara vit at byrja so smátt at gera jólaprýði. Tað hevði verið gott, um fleiri kundu komið við lýsingarbløðum, ið vit nýta at gera ketu við. Umráðandi er, at næmingarnir hava saks og límstift við ta komandi tíðina.
Fríggjadagin verður tiltakið 'Børn hjálpa børnum' - sí meiri kunning á heimasíðuni.
Gott vikuskifti :)
Vinaliga
Toymið
13/11 - 2020
Góðu foreldur!
Stór sannlíkindini eru fyri, at ein í flokkinum hevur fingið skrubb. Onkur í familjuni hevur fingið tað staðfest, og næmingurin í okkara flokki hevur onkur ‘sjúkueyðkenni’. Øll familjan er sjálvsagt blivin viðgjørd og hevur gjørt eftir øllum vegleiðingunum.
Dagførd kunning um skrubb liggur á heimasíðuni hjá Gigni.
Tosið endiliga við børn tykkara um at vera ansin við tættari kontakt og at vaska hendur oftari osfr. í eina tíð. Harumframt er tað sera umráðandi, at tit tosa við tey um, at vera umhugsin og sostatt ikki fara í gongd við ‘detektiv’arbeiði hesum viðvíkjandi, tvs ganga og spyrja hvør annan. Hetta kann jú kennast sera keðiligt fyri viðkomandi næming.
Vinaliga
Toymið
Viðtalurnar hjá reyða og bláa bólki verða í komandi viku, sí niðanfyri. Um ikki liggur fyri at koma til ásettu tíð, kunnu tit býta um tíðir, men sigið okkum frá sum skjótast. - Viðtalurnar hjá gula og grøna bólki eru eina viku seinkaðar vegna sjúku.
Onkur spælibólkur er ikki komin í gongd. Minnist til at fáa býtt um, um ikki liggur fyri at hava hann.
Gott vikuskifti :)
Vinaliga
Toymið
Vit høvdu eina framúr góða evnisviku, har børnini hugnaðu sær óført, og somuleiðis vóru tey ófør at arbeiða. :D
Nýggju spælibólkarnir liggja undir 'Ymiskt'. Gott at síggja, at fleiri bólkar eru farnir í gongd. :) Minnist endiliga til at býta um, um ikki liggur fyri at hava hann.
Viðtalurnar vera í viku 46. Vit hava næmingasamrøður við næmingarnar áðrenn viðtalurnar.
Gott vikuskifti :)
Vinaliga
Toymið
Vegna korona er evnisvikan útsett. Børnini hava glett seg sera nógv, og eru tískil sera skuffað. :( Ætlanin er tó at hava hana so skjótt umstøðurnar loyva tí. :)
Kunning viðvíkjandi samrøðubólki fyri børn hvørs foreldur er farin hvør frá øðrum liggur niðanfyri. Tilboðið í ár er til 5. og 6. flokk.
Gott vikuskifti :)
Vinaliga
Toymið
Samrøðubólkurin fyri børn hvørs foreldur eru farin hvør frá øðrum er í ár fyri næmingar í 5. og 6. flokki. Í hesum sambandi hava Kala Rajani (heilsusysturin) og Sigrid Thomassen (AKT – lærari) verið inni í flokkinum og kunna um hetta. Fyri at tryggja okkum, at tit foreldur eisini fáa høvi at hoyra um hetta tilboð, áðrenn vit byrja nýggja bólkin, hava vit lagt eina kunning niðanfyri. Tilmeldingarfreistin er 30. sept.
Um hetta hevur tykkara áhuga, hevði tað verið deiligt at frætt frá tykkum sum skjótast.
Vinaliga Kala og Sigrid
Takk fyri ein góðan foreldrafund hósdagin og góða uppmøting. :)
Foreldraumboð 20/21:
Agnas (Mirjam), Lív (Lilja H.), Jóanna (Karin) og Arndis (Poul Erik)
Tað hevði verið sera gott, um næmingarnir høvdu skiftiklæðir í skápinum. Tey sita ov ofta vát um føturnar. Vit skulu út í fríkorter nærum hvønn dag, nú flokkarnir ikki sleppa at koma í samband hvør við annan.
Møguleiki er at fara inn á landsroyndirnar, ið næmingarnir gjørdu í skúlanum. Hyggið endiliga inn á tær saman við børnum tykkara. Tað kann vera ein hjálp hjá teimum í mun til komandi royndirnar. :)
Landsroyndirnar eru týsdagin og mikudagin. Umráðandi er, at næmingarnir hava fingið góðan svøvn og ein góðan morgunmat, áðrenn tey koma í skúla. Umráðandi er eisini at hava ein lítlan matpakka og ein vatndunk við til steðgin.
Gott vikuskifti :)
Vinaliga
Toymið
Felags foreldrafundur verður mikudagin 16. september kl.17.00-18.00. Vit vera í flokshølinum, so fyri at kunnu halda tilmælini um frástøðu, fara vit at mæla til, at einans eitt foreldur hjá hvørjum barni, møtir.
Vit hava í ár vanliga undirvísing 1.-4. tíma og fara síðani at renna kl.11.45-13.00. Næmingarnir møta í renniklæðum og hóskandi skóm.
Vit gjørdu eina royndarlandsroynd fríggjadagin. Prátið við barn tykkara um, hvussu tað gekk. Tey flestu hava tørv á venjing at logga á Office og fleiri hava tørv á venjing at fáa ferðina upp - tvs tørv á venjing at skriva á teldu. (skriva stórar stavir, finna stavirnar, osfr.) Hetta mugu tey venja beinan vegin.
Vit gera aftur nakrar royndarlandsroyndir týsdagin (før + stø) og hósdagin (N/T)
Gott vikuskifti :)
Vinaliga
Toymið
Vit vilja minna á, at landsroyndirnar vera 22.-24. sept. 2020. Næmingarnir skulu til landsroynd í føroyskum (lesing og fyrisøgn), støddfrøði og N/T. Tað er umráðandi, at næmingarnir lesa hvønn dag í minst 20 min. sum fyrireiking til royndina, venja tabellirnar - til tey duga tær og læra seg oyggjarnar, kendar blómur og fuglar, osfr. :)
Næmingarnir hava fingið eitt eintak av blaðnum Strok. Til ber at tekna hald á hald.bfl.fo/
Vinaliga prátið við barn tykkara um tey hava tørv á hjálp at pakka taskuna. Tað eru enn 5-10 næmingar hvønn dag, ið mangla bøkur, hefti, o.a. Tað eru ikki tey somu hvørja ferð. Sí niðanfyri, um tit ivast í, hvat barn tykkara skal hava við.
Gott vikuskifti :)
Vinaliga
Toymið
Tað ber aftur í ár til at bíleggja mjólk. Næmingarnir hava fingið ein faldara við heim, og tey flestu hava latið hann inn aftur. Mjólkarskipanin byrjar mánadagin, men tað er tó ikki ov seint at vera við. :)
Tað eru eini 10-15 næmingar hvønn dag, ið mangla bøkur oa. ið vit skulu brúka í undirvísingini. Vit vilja tí heita á tykkum, um at hjálpa børnum tykkara við at pakka taskuna. Nýtið endiliga listan niðanfyri at kanna eftir, um alt er við.
- Pennahús: Minst 2 blýantar, viskileður, blýantspískari, lineál og vinkulmátari.
- Føroyska frílesingarbók (eisini tá ið vit ikki hava føroyskt)
Støddfrøði: Støddfrøðibókin og heftið (Innlatingarheftið, tá ið tað skal latast inn)
Føroyskt: Rani ein nýggj byrjan og bláa mappan við spurningunum til bókina. (Skriviheftið skal liggja í skuffuni.)
Danskt: d'dansk arbeiðsbókin, Ny diktat bókin og donsk frílesingarbók. (Reyða mappan og skriviheftið skal liggja í skuffuni.
Enskt: Mandy at home - lesibók og arbeiðsbók. (Hvíta mappan og skriviheftið skal liggja í skuffuni.)
Søga: Søgubókin
Kristni, N/T og H/L: Einki
Gott vikuskifti :)
Vinaliga
Toymið
Vit eru nú veruliga komin í gongd, og tað hevur gingið væl at funnið stevið aftur. Næmingarnir duga at sita friðaligir, at arbeiða og at taka lut, so tað er óført. :)
Komandi vikan verður eitt sindur øðrvísi, nú allir flokkarnir koma í skúla. Flokkurin fer td. bara at hava okkum flokslærarar alla komandi vikuna. Hetta ger, at vit hava flutt eitt sindur runt uppá okkum lærarar, men vit megna at fylgja tímatalvuni, so tað er óført.
Minnist til at allar bøkurnar skulu vera bundnar inn mánadagin. :)
Vit savna aftur í ár 100 kr inn til hefti, mappur, leikur og hugna. Næmingarnir hava hetta við mánadagin. :)
Gott vikuskifti :
Vinaliga
Toymið
Elias, Tummas, Ida, Hóri B., Angela, Rókur B., Fríða, Silas, Janus, Niclas, Markus, Boas, Hávarður, Jónas, Nóa T., Mannbjørn, Lilja D., Lilja H., Døgg, Maria, Karin og Silja.
Føroyskt
Bøkurnar, ið vit lesa í føroyskum, er ov torførar fyri nakrar næmingar. Tit eru vælkomin at lesa kapittulin fyri teimum heima, ið tey annars fáa høvi at lesa í skúlanum. Um talan er um "Eldur í" ber eisini til at lurta eftir ljóðbókini á 'Lærugreinar', 'Føroyskt'.
Náttúra og tøkni
Vegna korona hava næmingarnir mist sera nógva undirvísing í N/T. Tey skulu til landsroynd í N/T í sept. 2020 og vilja vit tí bara eggja til, at økja eitt sindur um vitanina hjá børnum tykkara - td. at duga allar oyggjarnar, onkrar bygdir, fuglar, osfr. Hetta skal endiliga ikki síggjast sum ein byrða, men heldur, at tá ið høvi býðst, at tit so hjálpa teimum eitt sindur á leið.
Teldur
Nakrir næmingar læntu teldu frá skúlanum, tá ið undirvísingin fór fram heima. Gott hevði verið, um tey, ið mangla, kundu borið hesar aftur nú.
Fríkorter
Annars njóta næmingarnir at hava langt fríkorter og tey flestu halda tað vera sera stuttligt at hoppa band í fríkorterinum.....og eftir skúlatíð. :D
Gott vikuskifti :)
Vinaliga
Toymið
Myndir av túrinum mánadagin eru lagdar út. :)
Vit vilja minna á, at næmingarnir hava skiftiklæðir liggjandi í skápinum, nú vit fara út, hóast tað er vátt.
Vit vilja somuleiðis minna á, at næmingarnir hava síni ting við. Tað eru hvønn dag eini 8 - 10 næmingar, ið mangla eitthvørt.
Føroyskt: Bókin Eldur í er lisin inn sum ljóðbók, og liggur nú á 'Lærugreinar', 'Føroyskt'. Hetta er tó bert ætlað til teir næmingar, ið ikki megna at lesa bókina sjálvir og fáa innihaldið við.
Gott vikuskifti :)
Vinaliga
Toymið
Vit byrja nú aftur í flokkinum, har allur flokkurin fær undirvísing saman. Vit møta millum kl. 7.30 og 8.15, og vit nýta inngongdina í okkara lon - ikki høvuðsdyrnar. Mánadagin møta vit úti á Argjum, sí vikuætlanina.
Næmingarnir kunnu nú vera í eitt sindur størri bólkum, og eru nakrir bólkar tí lagdir saman - sí niðanfyri. Tað eru framvegis tey, ið eru í sama bólki, ið kunnu spæla saman í fríkorterunum. Í flokkinum sita allir næmingarnir ein og ein.
Bæði fríkorterini vera í eina tíð í 30 min. Tvs. kl. 9.30 - 10.00 og 11.30 - 12.00.
Gott vikuskifti :)
Vinaliga
Toymið
Fyrsta vikan aftur í skúla gekk sera væl. Næmingarnir eru býttir upp í 3 hølir og 2-3 "spælibólkar" eru í hvørjum høli. Vit hava fríkorter kl. 10.00-10.30 og sleppa tá at nýta vøllin og annars alla ta síðuna, ið vendir ímóti stóra parkeringsøkinum. Nakað av parkeringsøkinum varð byrgt av frá mikudegnum av, so næmingarnir kundu súkkla her. :)
Vit fara nú at møta millum kl. 7.50 og 8.15, men halda annars áfram eins og í síðstu viku.
Næmingarnir skulu út hvørt fríkorter, og tað er tí sera umráðandi, at tey eru ílatin eftir veðrinum. Ítróttartímin fyrigongur eisini uttandura.
Næmingarnir eta matpakka kl. 9.40 - 10.00.
Skiftiklæðini kunnu liggja í skúlanum. Tey mugu vera í einum posa ella einari tasku.
Tímatalvan fyri viku 20 liggur niðanfyri.
Vinaliga
Toymið
Tað er sera gott fyri okkum at hoyra, hvat tit hugsa. Vit lærarar hava av góðum orsøkum ikki roynt hetta áður, og er tað trupult at meta um, hvussu nógv, vit kunnu vænta, at næmingarnir skulu gera. Næmingarnir eru sera ymiskir, bæði í mun til førleikar, motivatión, arbeiðslag, osfr, og er tí trupult at raka rætt fyri øll.
Tað er tó umráðandi, at eingin sær skúlaarbeiði í hesi koronatíðini, sum vanligt heimaarbeiði, ið man setir ½-1 tíma av til um kvøldið. Vit hava hoyrt frá fleiri, ið fáa skúlaarbeiðið gjørt um morgunin, og so bara goyma eitt lítið sindur til foreldrini koma heim. Eisini eru næmingar, ið ringja til okkum lærarar, og fáa hjálp til uppgávurnar, og tískil eru heilt liðug við skúlaarbeiði. Eggið endiliga børnum tykkara til at gera meira at tí. Vit eru sum heild tøk, men um vit ikki svara telefonini, so er bert at leggja eini boð, so kunnu vit ringja aftur.
Tá tað er sagt, er eisini møguligt hjá okkum at gera ávísar broytingar, nú fleiri kenna tað at vera ov møðsamt.
Í morgin (hósdag) ber til at fara inn á Teams kl.13, um onkur tørvar hjálp til danskt. Eg fari tá at lesa donsku søguna, ið næmingarnir hava fyri hesa vikuna, og síðani at hjálpa eitt sindur við spurningunum. – Hetta er eitt tilboð, og tískil er ikki møtiskylda!
Tað fer eisini at bera til at lurta eftir ljóðbókunum til ‘Eldur í’ og ‘Hjálp! Ránsmenn!’. Hetta er bert ætlað teimum næmingunum, ið ikki megna at lesa bókina sjálvi og fáa alt við.
Viðvíkjandi tíðunum á Teams kunnu vit avgjørt gera hetta betur – tvs halda fast í tíðunum, ið vit leggja út.
At enda: Góðu tit! Ringið til okkara, tá ið eitthvørt er. Vit vilja fegin hjálpa, og um neyðugt gera broytingar.
Vinaliga toymið
Vit byrja nú aftur við fjarundirvísingini. Higartil hevur talan bert verið um kunning um heimaarbeiði umvegis vikuætlanina, men nú vit framvegis ikki sleppa í skúla, ætla vit at hava eitt sindur av undirvísing yvir netið.
Talan verður um videobrot við undirvísing og felagsprát/undirvísing á Teams. Vit hittast á Teams á fyrsta sinni týsdagin. Tá hittast vit við 12 næmingum í senn, so øll hava møguleikan at fáa orðið. :)
Vit hittast síðani aftur á Teams eina ferð um dagin restina av vikuni. Hetta er fyrsta vikan, vit royna Teams, og hava vit tí ikki lagt nakra fasta ætlan. Nú fara vit fyrst at vita, hvussu hetta riggar.
Tað er umráðandi, at tit hjálpa børnunum at halda skil á, nær tey skulu inn á Teams, og hvat arbeiði tey skulu hava gjørt áðrenn. Nýtið endiliga møguleikan tit hava at ringja til okkara, um eitthvørt er. :)
Næmingarnir skulu í skúlan mánadagin eftir tilfari og at læna bøkur. Sí yvirlit niðanfyri.
Gott vikuskifti :)
Vinaliga
Toymið
14.00 Vilhelm, Silas, Mannbjørn, Rókur J., Hansina, Davina, Tórunn og Silja,
14.15 Unnur, Bjørt, Hildur, Durita, Lukas, Nóa T., Bárður og Tístram
14.30 Elias, Hávarður, Max Aron, Boas, Heini, Lucas, Poul Erik og Andrias.
14.45 Angela, Karin, Mirjam, Janus, Jóannes, Ørvur, Hóri D. og Markus
15.00 Andras, Jónas Rói, Rókur B., Tummas, Jónas, Ida, Maria og Lilja H.
15.15 Nóa H., Petur, Niclas, Poul Andreas, Hóri B., Fríða, Døgg og Lilja D.
Næmingarnir fingu nakrar landsroyndir hósdagin. Royndirnar verða latnar inn í postkassan í skúlanum, so hvørt sum tær eru gjørdar - tó ikki fyrr enn mánadagin 30.mars. Høgni sigur, at hann skal tøma postkassan tvær ferðir um dagin í komandi viku, so tað skuldi gingið væl. :)
Nakrar leinkjur til enskt liggja undir 'Lærugreinar', 'Enskt'. Somuleiðis liggja nakrar til støddfrøði, undir 'Støddfrøði'.
Gott hevði verið, um tit lærdu børn tykkara at logga inn á office. Tit skriva roynd.skulin.fo. Har rita næmingarnir so inn við brúkaranøvnunum (dømi: rj1712k8@skulin.fo og loyniorðunum (dømi: Siha7876), ið tey fingu hósdagin.
Vinaliga
Toymið
Næmingarnir hava nú longu verið heima í nærum tvær vikur, og kundu vit tí hugsað okkum, at teir komu ein túr í skúlan í morgin at læna sær nakrar nýggjar frílesingarbøkur og samstundis at fáa annað tilfar, umframt at fáa sína Office kotu, ið gevur teimum møguleika at fara inn á netið at venja nakrar landsroyndir.
Til tess at minka um smittuvandan, verða næmingarnir býttir í 8 bólkar, ið koma í skúlan uppá skift. Næmingarnir skulu hava ein posa við, har teir leggja sær tilfarið og kotuna, ið vit hava lagt fram, og nýggju frílesingarbøkurnar, bæði føroyskar og danskar. Tey, ið duga væl enskt, kunnu eisini læna sær eina enska frílesingarbók.
Næmingarnir koma í bólkunum, ið tit síggja niðanfyri. Tosið endiliga við tey áðrenn, um at tey ikki mugu koma ov nær hvør øðrum. Tey skulu nýta inngongdina við kantinuna. Tilfarið liggur á borðunum í kantinuni og navn stendur á. Ein av lærarunum tekur ímóti teimum á bókasavninum.
Sigið endiliga kontaktlæraranum frá, um tit eru í sóttarhaldi, ella um børnini av aðrari orsøk ikki fáa komið.
Vinaliga
Toymið :)
(Gul, Rói: 280313)
13.00 Vilhelm, Silas, Mannbjørn, Rókur J., Lukas og Nóa T.
13.20 Bárður, Tístram, Davina, Bjørt, Hildur og Durita.
(Grøn, Guðrun: 280348)
13.40 Elias, Hávarður, Max Aron, Boas, Heini og Lucas.
14.00 Poul Erik, Andrias, Hansina, Unnur, Angela og Karin.
(Blá, Ása: 280319)
14.20 Ørvur, Hóri D., Markus, Andras, Jónas Rói og Rókur B.
14.40 Nóa H., Petur, Mirjam, Ida, Maria og Lilja H.
(Reyð, Sigrid: 280315)
15.00 Niclas, Poul Andreas, Hóri B., Jónas, Janus og Jóannes.
15.20 Tummas, Tórunn, Silja, Fríða, Døgg og Lilja D.
Vegna ov stóra arbeiðsbyrðu fyri summi, verður heimaarbeiði nú støddfrøði, føroysk lesing og samandráttur og donsk lesing.
Um nakar tørvar hjálp í støddfrøði, ber til at ringja til Ásu (280319) ella Guðrun (280348).
Til teirra, ið hava tíð, orku og yvirskot, eru nakrar leinkjur til enskt lagdar út, umframt vilja vit eggja til, at næmingarnir venja blindskrift.
Nakrar myndir frá lesivikuni av okkara fittu, røsku næmingum eru lagdar út. :)
Øll góð ynski til tykkum øll. <3
Gott vikuskifti :)
Vinaliga
Toymið
Vit hava nú gjørt vikuætlanina klára, sum hesa tíðina bert snýr seg um, hvat næmingarnir skulu gera heima. Av tí at eingin skúlagongd er, verður vanliga skúlaarbeiði flutt heim til tykkara. :)
Tað er ikki neyðugt at fylgja vikuætlanini, bara alt, ið stendur í henni, verður gjørt í hesi vikuni.
Um tað er eitthvørt, ið eini lærugrein, ið tit ivast í, eru tit vælkomin at ringja til læraran, ið hevur tí lærugreinina.
Guðrun: 280348 Ása: 280319 Sigrid: 280315
Støddfrøði - Guðrun ella Ása
Føroyskt - Guðrun ella Sigrid
Danskt - Sigrid
Enskt - Sigrid
Við ynski um alt tað besta!
Vinaliga
Toymið
Pipaluk er nú lidug í starvsvenjing, og næmingarnir vóru sera gladir, tá hon bjódadi teimum bædi bolla og sunkist hósdagin. :) Nógv vóru sera kedd, um at hon fór. Mikudagin framførdu hon og nøkur ung frá barnaheiminum, id mamma hennara rekur í Grønlandi, fyri næmingunum. Hetta hildu vit vera sera áhugavert og undirhaldandi. Myndir eru lagdar út.
Lesivika verdur í komandi viku. Vit lesa hvønn morgun frá kl.8.10 - 8.40. Umrádandi er, at øll hava eina bók at lesa í, tá tey møta. Tad ber til at læna bøkur kl.7.30 - 7.57. ;) Øll fingu høvi at læna bók/bøkur fríggjadagin. Vit fáa tíverri ikki verid vid til lesiløtuna mánamorgunin, av tí at vit hava ítrótt og svimjing.
Vinaliga lesid kunningina um skrubb, id liggur nidanfyri, nú ein tilburdur aftur vard stadfestur í skúlanum.
Vinaliga
Toymid
Góðu foreldur
Vit mugu tíanverri staðfesta, at tað er trupult at sleppa av við skrubb, tí skúlin hevur fingið fráboðan um ein nýggjan tilburð.
Kunning um skrubb
Orsøkin til at børn, ungfólk ella vaksin fáa skrubb er, at ein hevur fingið eina skrubbmottu á húðina. Skrubb kemur ikki av vantandi reinføri - øll kunnu fáa skrubb. Skrubb kann fyribyrgjast og lættliga viðgerast.
Skrubb skriðar sera illa og serstakliga um náttina. Tað ganga 2-3 vikur frá tí, at ein er smittaður, til skriðin byrjar. Ein kann smitta í hesum tíðarskeiði.
Tann, sum hevur skrubb, skal viðgerast skjótast tilber, og samstundis skulu øll í húsinum viðgerast.
Meira kunning fæst á hesi leinkjuni hjá Gigni
Sí eisini kunning frá danska heilsustýrinum
Myndir eru lagdar út av fittu, kreativu grýlunum í 4. flokki. Ein so góður, hugnaligur og stuttligur dagur. :D Tórunn og Maria blivu kattadrotningar. Stóra takk til tykkum, ið gjørdu dagin serliga góðan við at baka til okkum. :) Eftir tunnuslátturin og føstulávintsbollarnar vóru tað fleiri, ið hugnaðu sær við Just Dance. At enda hittust allir næmingar og lærarar í miðhøllini, har kattakongar og drotningar vórðu heiðrað, og ársins grýlur vórðu valdar. Jónas Rói gjørdist ársins grýla í 4. flokki. :)
Minnist til at kanna eftir, nær tit eiga at hava spælibólkin heim, og at býta um, tá ið ikki liggur fyri.
Gott vikuskifti :)
Vinaliga
Toymið
Takk fyri góða uppmøting til fundin týskvøldið. Ein sera áhugaverdur og viðkomandi fyrilestur frá Elin Michelsen.
Mánadagin er føstulávint og næmingarnir skulu møta í seinasta lagi kl. 8.30. Sí skriv niðanfyri.
Týsdagin liggur ein av teimum tveimum frídøgunum, ið skúlin sjálvur sleppur at ráða yvir.
Vit hava í løtuni eina unga kvinnu frá Grønlandi í starvslæru. Hon undirvísir í danskt tímunum. Hon eitur Alexandra Pipaluk Hammeken. Mamman er føroysk og pápin er frá Grønlandi. Hon hevði eina sera áhugaverda framløgu hósdagin.
Vit spældu og hugnaðu okkum í dag, tá ið næmingarnir uppá skift skuldu til tannlækna. Myndir eru lagdar út. :)
Gott vikuskifti :)
Vinaliga
Toymið
Einging skúlagongd verður týsdagin, av tí at tá er læraradagur, ið MMR og undirvísingarstýrið hava skipað fyri.
Gongd er komin á flestu spælibólkarnar, men nakrir mangla enn. Minnist endiliga til at býta um sum skjótast, um ikki ber til at hava bólkin.
Fráboðan er komin um skrubb. Sí kunning á forsíðuni á heimasíðuni.
Gott vikuskifti :)
Vinaliga
Toymið
Nýggju spælibólkarnir liggja nú undir 'Ymiskt'. :)
Næmingarnir skulu til bustiundirvísing 7., 14. og 21. feb. Hetta er fríggjamorgnar frá kl. 8.30 til 9.30. Seks næmingar fara í senn og tað tekur umleið 1/2 tíma.
SSP-lærarin var í dag inni og tosaði um trygd á netinum. Hann fer at koma inn nakrar ferðir. SSP skipar eisini fyri foreldrafundi í 4. flokki týskvøldið 18. feb. kl. 19.00 - 21.00. Sí innbjóðing niðanfyri. Vinaliga skrivið boð til kontaktlæraran hjá barni tykkara at boða frá, um tit ikki fáa komið.
Gott vikuskifti :)
Vinaliga
Toymið
Nýggir spælibólkar eru gjørdir. Teir liggja undir 'Ymiskt'. Møguleiki er at byrja nú í viku 5 ella í viku 6, alt eftir hvussu tað passar. Takk fyri stóra arbeiði tit gera fyri trivnaðin í flokkinum.
Brandroynd verður mikumorgunin, so møguleiki er at royna rýmingarleiðina í myrkri.
Vinaliga
Toymið
Mánadagin kl.10 fáa vit vitja av Listaleypinum. Tað er Blue Coat Brass Band, ið fer at framføra fyri okkum, og vit gleða okkum. :)
Vit fara aftur í ár at læra okkum Sigmundskvæði (yngra), og tað hevði verið gott, um tit kundu hjálpt børnunum eitt sindur við hesum heima eisini.
Vinaliga
Toymið
Vit eru spakuliga komin í gongd aftur eftir eina langa jólafrítíð. :) Vit vilja enn eina ferð ynskja tykkum eitt gott nýggjár og takka fyri tað farna. Í hesum sambandi vilja vit minna tykkum á at endiliga siga okkum frá, um eitthvørt er, ið tit undrast á, eru stúrin um, ella ynskja at fáa okkum at gera eitthvørt við.
Vit høvdu ein góðan floksfund hósmorgunin, har vit tosaðu um at loysa tvístøður á ein góðan hátt, at nýta girafmál heldur enn úlvamál, og týdningin av at vit øll trívast. Vit spældu síðani eitt felagsspæl. Ein sera góður floksfundur. :)
Nýggir spælibólkar verða gjørdir eftir viku 4, tá ið núverandi bólkar skuldu verið lidnir.
Gott vikuskifti :)
Vinaliga
Toymið
Vit fara at hugna okkum hesa seinastu vikuna áðrenn jól, eins og vit longu hava gjørt eitt sindur. ;) Myndir eru lagdar út.
Jólahaldið verður mikudagin kl. 16.00 - 18.00. Foreldraráðið hevur gjørt ein lista yvir, hvør skal hava hvat við. Sí niðanfyri.
Vit ynskja tykkum eini gleðilig jól og eitt Harrans signað nýggjár. :)
Vinaliga
Toymið
Mikumorgunin 11. desember kl. 9 fara vit í Norðurlandahúsið í biograf at hyggja at einum hugnaligum jólafilmi.
Næmingarnir skulu møta í NLH í seinasta lagi kl. 8.30, men til ber sjálvandi at koma fyrr, tí húsið er opið frá kl. 7.30.
Sum tit vita, eru ferðslu- og parkeringsviðurskiftini vánalig kring Norðurlandahúsið, og fyri at umganga ferðsluruðuleika á Sundsvegnum og á Norðara Ringvegi, fara vit tí inniliga at heita á tykkum foreldur at vísa størsta varsemi, tolsemi og skynsemi, tá tit seta børnini av við NLH.
Gott hevði verið, um børnini komu í góðari tíð og ikki rundan um kl. 8, tá ið morgunferðslan er sera nógv. Til ber eisini at brúka bussleiðina.
Ein møguleiki er at samskipa bilaflutningin úr Hoyvík oman í NLH. Foreldur ella grannar kunnu t.d. avtala sínámillum at fylla ein bil heldur enn at fara við einum barni í hvørjum bili.
Tað ber ikki til at parkera uttan fyri NLH og fylgja barninum inn, men vit, lærarar, taka ímóti næmingunum og vísa teimum inn í NLH.
Flokkarnir hava sítt frámerkta økið inni í NLH til taskur, klæði o.t.
Filmurin endar uml. kl. 10.45, og vit fara aftur í skúla til vanliga undirvísing.
Ikki er loyvt at hava drykkjuvørur, góðgæti o.t. inn við í salin.
Flogbóltskappingin hósdagin gekk væl og vit vunnu silvur. :D Myndir eru lagdar út.
Børnini hjá foreldraumboðunum fingu bræv heim við fríggjadagin viðvíkjandi at skipa fyri onkrum góðum til næmingar, foreldur og systkin til jólahaldið, ið verður 18 .des.
Gott hevði verið, um allir næmingarnir dugdu sangin, ið vit skulu syngja til jólahaldið. Øll duga hann ikki enn.
Vinaliga
Toymið
Takk fyri at tit vóru so mong, ið komu at hugna tykkum saman við okkum og stuðla til tiltakið 'Børn hjálpa børnum'. Næmingarnir í 4. flokki vóru sera raskir at arbeiða hendan dagin, bæði í skúlatíð og eftir skúlatíð. :D Nógvur peningur kom inn, og verður óskerdur latin Barnaheiminum at nýta til onkra uppliving fyri børnunum har.
Næmingarnir skulu nú læra seg jólasangin, ið vit skulu syngja til jólahaldið uttanat. Vit byrja við at læra okkara sang, og fara síðani eisini í gongd við felagssangin.
Vinaliga
Toymið
Fyri góðari viku síðani var talvkapping í skúlanum. Til teirra, ið ikki longu hava hoyrt um tað, kunnu vit upplýsa, at tað var ein bólkur í okkara flokki, ið vann. :D Vit høvdu fýra bólkar við, og teir blivu nr. 1, 2, 4 og 11. :) Myndir eru lagdar út. :D
Filmskappingin er nú byrjað. Filmskappingin er bert fyri tey, ið ynskja at vera við, og fer bert fram eftir skúlatíð. Filmarnir skulu vera í minsta lagi 1½ min. og í mesta lagi 4 min. Eingin má kenna seg illa av filmunum, og banniorð eru ikki loyvd. Filmarnir verða vístir mikumorgunin 11. des. kl.8.00.
Næmingarnir hava fingið eitt bræv við heim um tíðina, ið eftir er fram til jóla. Vit hava gjørt onkra broyting í ætlanini. Vit fara t.d. at prýða flokkin mikudagin, so vit kunnu gera klárt til 'Børn hjálpa børnum' fríggjadagin. :)
Mikudagin mugu øll hava saks og límstift við.
Fríggjadagin gera vit klárt til 'Børn hjálpa børnum'. Næmingarnir skulu hava pennahús, saks og límstift við. Umframt frílesingarbók.
Til ber eisini at baka smákøkur ella bollar heima, ið vit kunnu selja fríggjadagin. Vit fara eisini at baka í skúlanum, so hetta er bara, um onkur hevur hug, tíð og yvirskot. :D
Gott vikuskifti :)
Vinaliga
Toymið
Vit høvdu ein sera góðan túr í Suðuroy. :D Tað rullaði hvørgan vegin, so børnini hugnaðu sær óført bæði umborð á Smyrli og í Suðuroy. Øll spældu fleiri dystir og tey flestu hugnaðu sær eisini í svimjihylinum. Tey, ið ikki tímdu at svimja, nýttu tíðina til hugnaligt prát ella meiri fótbólt. :D Nakrar myndir eru lagdar út.
Tey, ið ikki vóru í Suðuroy, høvdu somuleiðis ein sera hugnaligan og øðrvísi dag. Øll sóu ein góðan film saman, nøkur bregdaðu og onnur vóru úti og spældu. Ein sera góður dagur. :)
Gott vikuskifti :)
Vinaliga
Toymið
Tey, ið ikki hava latið skjalið um myndatøku inn, mugu lata tað inn í seinasta lagi mánadagin. Somuleiðis má peningurin fyri myndirnar verða fluttur í seinasta lagi mánadagin. (Sí kunning á vikuætlanini)
Næmingarnir fingu eina ferð ein seðil heim við um keyp av 'Mín Jólabók'. Fyri at tryggja sær bókina áðrenn jól, skuldi hon verið goldin áðrenn 15. nov. Til ber tó enn at keypa hana, bæði á strok.fo ella við at fylla seðilin út og geva einum flokslærara hann, saman við 200 kr.
Mikudagin fara tey, ið hava ynskt at verið við, til Suðuroyar til skúlafótbólt. Smyril siglir kl. 8.45 úr Havnini og kl. 18.45 av Tvøroyri, so tað er ein langur dagur - men sera góður og stuttligur dagur. Meiri kunning kemur. :) Tey, ið ikki fara til Suðuroyar hava ein øðrvísi og hugnaligan dag í skúlanum frá kl. 8.00 til 12.35 sum vanligt. :)
Viðtalurnar í reyða og bláa bólki halda fram mána., týs. og hósdagin. Viðtalurnar hjá gula og grøna bólki verða lagdar út í næstum.
Gott vikuskifti :)
Vinaliga
Toymið
Vit høvdu ein framúr góðan túr í Tjørnuvík týsdagin, hóast tað regnaði. :D Vit gingu túr, ótu og hugnaðu okkum í bygdahúsinum, hoyrdu um víkingagravirnar og høvdu eina stuttliga postarenning. Eftir alt hetta kom Hans Esbern Heinesen at baka okkum vafflur. Næmingarnir gjørdust rættiliga yvirraskaðir, tá ið teir hoyrdu, at tað var Hans Esbern, ið nú stóð og bakaði okkum vafflur, ið sum smádrongur fann víkingagravirnar. :D Meðan vit ótu fortaldi Hans Esbern okkum eina veruliga sjórænara søgu, og sang síðani eitt ørindi av einum Kingo sálmi. Hetta hildu næmingarnir ljóðaði rættiliga......øðrvísi. ;) At enda var fríløta og øll hugnaðu sær óført, antin á vøllinum ella á strondini. :D
Mikudagin og hósdagin arbeiddu næmingarnir við at gera lýsingar, eins og tey arbeiddu á eini ferðaskrivstovu. Føroyskar, danskar og enskar lýsingar vóru gjørdar, og tær hanga nú úti í miðhøllini.
Nógvar myndir frá túrinum liggja í myndasavninum.
Góða heystfrítíð :D
Vinaliga
Toymið
Evnisvika
Evnisvika verður komandi viku. Evni: Ferðast í Føroyum. Vit hava valt at seta sjóneykuna á Tjørnuvík, men fara at byrja við at arbeiða við Føroyum sum heild. Næmingarnir møta hvønn morgun kl. 8.00, men fáa frí uppá ymisk tíðspunkt. Sí vikuætlan.
Mánadagin hava vit um Føroyar, oyggjarnar og bygdir á Streymoynni. Týsdagin fara vit útferð. Mik.-frí. gera vit ymiskt handaligt.
Útferð
Týsdagin fara vit eina útferð til Tjørnuvíkar. Umráðandi er, at næmingarnir eru ílatnir eftir veðrinum og hava ein ryggsekk við einum eyka setti av klæðum og einum handklæði. Eisini skulu tey hava ein stóran og góðan matpakka við (meiri enn vanligt) og okkurt at drekka (ikki sodavatn).
Bussurin koyrir kl. 8.30 og vit fara aftur úr Tjørnuvík kl.14. Vit vera sostatt í Havn um kl. 15.
Á skránni er túrur, víkingagravirnar, postarenning, matpakki, vafflur, hugni og spæl. :D
Viðtalur
Viðtalurnar verða eftir heystfrítíðina.
Spælibólkar
Minnist til at kanna eftir, nær barn tykkara eigur at hava spælibólkin. :)
Gott vikuskifti :)
Vinaliga
Toymið
Spælibólkarnir eru nú farnir í gongd :D Í tí sambandi skulu vit minna á, at tit býta um við onkran, um tit ikki kunnu, tá ið tit eru sett at hava hann. Somuleiðis vilja vit minna á, at ætlanin er, at spælibólkarnir eru skermfríir.
Tað eydnaðist bert at fáa 4 foreldur í foreldraráðið á foreldrafundinum. Best hevði verið, um tað vóru 6. Er onkur, ið kann traðka til?
Gott vikuskifti :)
Vh
Toymið
Vit hava nú lagt nýggju spælibólkarnir út - sí 'Ymiskt'. Bólkarnir byrja í komandi viku og halda fram til í január, av tí at eingin spælibólkur liggur í desember.
Hósdagin royndu vit á fyrsta sinni, at næmingarnir skuldu taka eitt tilvildarligt navn upp, og spæla við viðkomandi í eitt fríkorter. Hetta eydnaðist sera væl. :D Tey, ið skuldu spæla við ein av mótsatta kyni spældu sum heild 4 og 4 saman.....so er tað ikki líka 'flóvisligt'. ;)
Gott hevði verið, um tit lótu skjalið 'Atlit og loyvir' inn sum skjótast. Tey flestu ornaðu hetta til foreldrafundin, men nøkur mangla.
Somuleiðis er tað umráðandi at siga okkum frá, um eitthvørt er broytt í mun til tlf.nr. ella teldupost bústaðir. Vit ynskja at hava tlf.nr. og teldupost bústað hjá báðum foreldrum.
Gott vikuskifti :)
Vinaliga
Toymið
Fundarfrásøgn:
Nú næmingarnir eru komnir í 4.flokk, fáa tey ikki longur ein eyka matarsteðg kl.9.15. Umráðandi er tí, at tey hava eitthvørt við í matpakkanum, ið tey kunnu taka við sær út í fríkorter kl.9.30, av tí at tey vanliga eru svong um hesa tíðina. Matarsteðgurin er kl. 11.15.
Vikuætlanin verður vanliga skrivað hvønn fríggjadag, men av tí at hon verður dagførd nærum hvønn dag, er umráðandi at hyggja í hana hvønn dag. Heimaarbeiði verður lagt inn áðrenn kl. 15 dagin fyri.
Boð verða løgd í boðklivan hvønn fríggjadag. Tað er sera umráðandi, at hesi boðini verða lisin.
Tað er eitt stórt lop frá 3. til 4. flokk, og kann tað kennast tungt. Umráðandi er tó, at næmingarnir gera alt heimaarbeiðið, eisini tá ið nógv er at gera. Hetta er við til at fáa arbeiðslagið betur í skúlanum. Jú meiri tey arbeiða í skúlanum, jú minni fáa tey fyri.
3 lærarar eru í føroyskum og støddfrøði, og gevur hetta møguleikar at býta flokkin í størri og smærri bólkar.
Øll heftini skulu liggja í taskuni, so næmingarnir ikki gloyma hesi eftir heima. Gott er tó um taskan verður pakkað hvønn dag, so næmingarnir ikki hava eina alt ov tunga tasku.
Støddfrøði: Í støddfrøði verður arbeitt við at fáa bókina 3b frá í fjør lidna, áðrenn til ber at fara í gongd við 4a. Innlatingar vera umleið triðju hvørja viku í støddfrøði. Dentur verður lagdur á at skriva stykkini pent upp.
Ítróttur/svimjing: Næmingarnir skulu hava ítróttarklæðir við. Næmingarnir skulu sostatt ikki gera ítrótt í klæðunum tey ætla at vera í restina av degnum. Næmingarnir skulu hava svimjibrillur við til svimjing.
Føroyskt: Málið er, at næmingarnir lesa heima hvønn dag í 20 min. Vit hava eisini lesiløtu í skúlanum.
Enskt: Umráðandi er, at næmingarnir lesa fyri einum vaksnum hvørja ferð, so úttalan verður rættað.
Landsroyndir vera í føroyskum, støddfrøði og Nátturu/Tøkni í ár.
Trivnaður: Nýggir spælibólkar verða lagdir út í komandi viku. Vit royna at hava floksfund eina ferð um vikuna. Føðingardagarnir verða aftur í litum. Møguleiki er at bjóða sínum liti, eina kyni í sínum liti, reyðum og bláum, einum kyni av reyðum og bláum, gulum og grønum, einum kyni av gulum og grønum, øllum gentunum, øllum dreingjunum ella øllum. :D
Vit vilja heita á tykkum, um at halda fast við hesa uppbýtingina til frama fyri trivnaðin í flokkinum. At øll kenna seg eins týdningarmikil fyri felagskapin. :)
Heitt verður á foreldur um at venda sær til okkara um eitthvørt er í mun til tað fakliga ella trivnaðin hjá barninum.
Nýggj foreldraumboð:
Jens Andrias (Andras) Jónrit (Markus) Ingun (Hóri B.) Vónbjørt (Unnur og Hildur)
Gott vikuskifti :)
Vinaliga
Toymið
Foreldrafundurin verður hósdagin kl. 17.00 - 18.00.
Skrá:
Vælkomin
Nýggir lærarar
Lærugreinarnar
Trivnaður
Foreldraumboð
Fríkorter tvey og tvey
Á floksfundinum fingu næmingarnir at vita, at vit nú fara at royna nakað nýtt. Eitt fríkorter um vikuna skulu næmingarnir taka eitt tilvildarligt navn upp, og fylgjast við viðkomandi næmingi (gentu ella dreingi) hetta fríkorterið. Næmingarnir eru spentir, men nøkur stúra eitt sindur....tað er trupult hjá summum at spæla við mótsatta kynið. :D Til ber at spæla við tvey onnur, td. Partners ella annað, so eru tveir dreingir og tvær gentur, tað hjálpir eitt sindur.
Gott vikuskifti :)
Vinaliga
Toymið
Vit eru nú rættiliga komin í gongd, og byrja spakuliga at læra børn tykkara betur at kenna. Tey eru sera fitt. :) Nakrar myndir eru lagdar út, frá tá ið næmingarnir høvdu spurnarkapping í kristni.
Næmingarnir hava fingið flestu bøkurnar, og vilja vit heita á tykkum at fáa tær bundnar inn. Um tit ikki longu hava gjørt hetta. :)
Ein feilur var í tímatalvuni, ið næmingarnir fingu við heim mánadagin. Har stendur, at vit hava føroyskt fríggjamorgunin í 1.-2.t, men tá hava vit kristni.
Vit hava annars ítrótt mánamorgun kl. 8.00, so fyri at fáa sum mest burtur úr í mun til svimjingina, møta næmingarnir, ið skulu svimja, í svimjihøllini kl. 8.00. Lærararnir taka ímóti næmingunum í svimjihøllini og fylgja teimum niðan aftur í skúlan. Tað eru grøn og blá, ið svimja tær fyrstu fýra ferðirnar, og tá hava reyð og gul ítrótt. Síðani býta tey um.
Litbólkarnir liggja undir 'Ymiskt'.
Gott vikuskifti :)
Vinaliga
Toymið
Hjartaliga vælafturkomin eftir eina vónandi sera góða summarfrítíð. :D Vit eru sera spent at skula hava tykkara børn. :)
Vit byrjaðu í dag við at lata næmingarnir gera navnaskelti, umframt at fáa lænt nakrar av bókunum, ið vit skulu brúka í ár. Øll fingu somuleiðis nýggju tímatalvuna við heim. Í morgin fáa tey síni nýggju pláss, sítt nýggja skáp, og fara annars at hava ein vanligan skúladag.
Nú næmingarnir eru komnir upp í miðdeildina, halda vit at tíðin er komin at skifta litbólkarnar. Nýggju litbólkarnir síggja tit undir "Ymiskt" niðanfyri.
Flokkurin fer í summum førum at verða býttur í 2.
Blá+reyð og gul+grøn vera saman í enskum og N/T. Hósdag 5.-6.t vera næmingarnir býttir á sama hátt, tá báðir bólkar hava ein tíma søgu og ein tíma støddfrøði uppá skift.
Í ítrótti vera reyð+gul og blá+grøn saman.
Í H/L fara tey at vera í sínum litbólki.
Vinaliga
Toymið
Evnisvika um gomlu Havnina. Vika 43.
Góðu foreldur.
Í viku 43 fara vit at hava evnisviku um gomlu Havnina. Vit fara at lesa søguna "Lítli Páll í Nólsoy " eftir Steinbjørn B. Jacobsen og hyggja eftir Skipar Hansens steini og Skipar Hansens gøtu. Eisini er ætlanin at síggja sólurið á Tinganesið og Skansan. Vit gleða okkum at fara at hava eina øðrvísi viku saman, og vit vóna, at tit foreldur vilja gera tykkara fyri at vikan skal eydnast væl. Her hugsa vit um, at børnini ikki eru von við at vera túr saman, og niðri á Skansanum og Tinganesi er sjógvur rundan um. Vinaliga prátið við tykkara barn um, hvussu man uppførir seg, tá man er túr. Neyðugt er sjálvsagt, at børnini virða felags boð og akta eftir boðum og annars nýta vit og skil og ansa eftir hvørjum øðrum. Vit vera 4 lærarar, tá farið verður oman á Tinganes og Skansan og 3 lærarar annars.
Vit ætla eisini hesa vikuna at halda fast við lesiløturnar um morgnarnar og eina arbeiðsløtu fyrst á degnum. So neyðugt er at hava dagførdan pennahúsa og bøkurnar við í skúlataskuni.
Vit gleða okkum til eina spennandi og øðrvísi viku saman. Um øll eru væl skødd og ílatin eftir veðrinum og hava góðan matpakka og drekkidunk við, plagar lagið á fólki at vera gott :-) Neyðugt er at hava ein lítlan ryggsekk til matpakka og dunk, tá vit fara túr.
Vinaliga
toymið í 1. flokki
