Flokkar
Vikuætlan
Office 365
Orðabøkur
Matarskipan
Samband
Karlamagnusarbreyt 47
Postboks 3174
110 Tórshavn
30 24 50
Vikuætlan

Vika 40 - 2020

  • Mánadagur
    28. september
    Evnisvikan er útsett
    Støddfrøði
    Heima: s. 28-29 og øv 7-tabellen.
    Enskt
    Heima: Lesið og umsetið s. 10 í Mandy on holiday. Skrivið eini 2-3 setningar um onkra ferð hjá tær. Dømi: I once went to Italy with my family. We had a great time. The weather was so good.
    Føroyskt
    Heima: Lesið í frílesibókini í 15-20 min :)

    Vit fara at venja hondskriftina í skúlanum.
  • Týsdagur
    29. september
    Støddfrøði
    Heima: 1.74-1.77
    Føroyskt
    Lesið í frílesibókini.

    Vit fara at venja hondskriftina og arbeiða við eini søgu í skúlanum.
    Danskt
    Heima: Vit fara í skúlanum at arbeiða við søguni "Nynne og Karin". Um tit ikki halda tykkum minnast hana nóg væl, eru tit vælkomin at lesa hana eina ferð afturat. Annars lesa tit í frílesibókini.
  • Mikudagur
    30. september
  • Hósdagur
    1. oktober
    Ítróttur
    Havið ítróttarklæði og handklæði við.
  • Fríggjadagur
    2. oktober
    Hugnaløta :)
    Vit hava lovað næmingunum, at um teir eru raskir hesa vikuna, skulu teir sleppa at hyggja at filmi og hava okkurt lekkurt afturvið í dag :) So í dag er lov at hava chips, bomm ella okkurt annað við ;)

Góðu næmingar, foreldur og lærarar

Vit eru nú seinnapartin gjørd varug við, at ein næmingur í  4. flokki hevur fingið staðfest covid-19. Næmingurin hevur ikki verið í skúla hesa vikuna.

Í samráð við myndugleikarnar er avgerð tikin um, at allir næmingar og lærarar í hesum flokki skulu lata seg kanna longu í kvøld.

Kanningin verður gjørd á Eirargarði millum kl. 17 og 19.

Meðan bíðað verður eftir kanningarsvari, skulu næmingar og lærarar ikki koma í skúla í morgin, mikudagin.

Er kanningin negativ hjá øllum, verður møtt sum vanligt hósmorgunin.

Um ikki, fáa tit nærri boð seinnapartin í morgin.

Kærar heilsanir

Høgni Joensen

skúlastjóri

Felags foreldrafundur.

Felags foreldrafundurin fyri 4. flokki verður mánadagin 7. september kl 17 til kl 18. Vit vera í flokshølunum, so fyri at kunnu halda tilmælini um frástøðu, fara vit at mæla til, at einans eitt foreldur hjá hvørjum barni, møtir. Nýtið brandhurðina inni í flokkinum.
Vit gleða okkum at heilsa upp á tykkum. 
Louisa og Linda

Nýggj boð - 31. august 2020

Góðu foreldur

Toymið hevur eitt hjartasuff til tykkum foreldur. Tað eru alt ov nógv børn, ið hvønn dag mangla eitt nú  frílesingsbøkur í føroyskum og donskum, lesibøkur, arbeiðsbøkur, linjuál, blýantar og matpakka. Fleiri manglar alt pennahúsið. Tað eru fleiri av teimum, sum siga, at tey hyggja ikki inn á vikuætlanina og pakka heldur ikki skúlataskuna sjálvi. 

Vit fara inniliga at heita á tykkum foreldur, soleiðis at tit kunnu tryggja tykkum, at barn tykkara hevur tað við í skúla, sum tað hevur brúk fyri, soleiðis at tað fær arbeitt í skúlanum, eins og øll hini. Matpakkin er sera umráðandi, eins og svøvnurin eisini er. Nøkur børn eru sera troytt, tá ið tey koma í skúla og orka ikki at gera nakað.

Ætlanin var at hava ein felags foreldrafund í hesi vikuni, men hesin er tíverri útsettur. Tit frætta meiri seinni.

Vh. Toymið

Tað hevur stóran týdning at tit lesa hvønn dag.

Krabbauppgávur finna tit á www.snar.fo  Skriva heitið á bókini í leititeigin, í høgru síðu.