Boð frá Kalu :)
Eg skal kunna um, at í januar, februar og mars kemur Anja Heinadóttir Hammer í starvsvenjing hjá mær sum heilsufrøðingur. Hon er sjúkrarøktarfrøðingur við drúgvum royndum. Hetta er hennara seinna starvsvenjing, tí hon var eisini her í heyst, og kennir tí væl skúlan og næmingarnar. Ì hesum føri kemur hon at arbeiða meira sjálvstøðugt, tó komi eg at hava endaligu ábyrgdina fyri arbeiðinum.
Vinarliga heilsan
Kala Rajani Hansen
Heilsufrøðingur
Tlf. 562338
arb. Mánadag - mikudag
Fyrisøgn til 13.11.20
Ásbjørn, Bergur, Guttormur, Helgi og Kjartan eru skótar. Liðið hjá teimum eitur Erla Kongsdóttir, og nú ætla teir sær at fara á legu í dalin undir Slættaratindi. Teir eru allir glaðir fyri at ganga á fjøllunum, so teir gleða seg. Teir hava gjørt av, at teir skulu fara upp á bæði Slættaratind og Gráfelli. Ásbjørn var raskur at ganga, hann kleiv fyrstur upp á toppin á Slættaratindi.
Vit eru nú seinnapartin gjørd varug við, at ein næmingur í 4. flokki hevur fingið staðfest covid-19. Næmingurin hevur ikki verið í skúla hesa vikuna.
Í samráð við myndugleikarnar er avgerð tikin um, at allir næmingar og lærarar í hesum flokki skulu lata seg kanna longu í kvøld.
Kanningin verður gjørd á Eirargarði millum kl. 17 og 19.
Meðan bíðað verður eftir kanningarsvari, skulu næmingar og lærarar ikki koma í skúla í morgin, mikudagin.
Er kanningin negativ hjá øllum, verður møtt sum vanligt hósmorgunin.
Um ikki, fáa tit nærri boð seinnapartin í morgin.
Kærar heilsanir
Høgni Joensen
skúlastjóri
Hey tit :)
Nú hava tey flestu goldið 100 kr fyri hefti og annað. Kunnu tey, ið mangla, vinarliga taka pengarnar við í vikuni?
Nú Korona enn ger um seg, er ikki væl sæð at læna blýantar og annað millum sín. Tí fara vit at heita á tykkum um at hyggja í pennahúsið, so øll útgerð er við, og allir blýantar eru spískaðir. Minnist eisini til at binda bøkurnar inn.
Komandi viku verða einans Linda, Louisa, Ruth og Søren um flokkin. Hetta er fyri, at lærarar skulu kunna halda seg til tilmælini og ikki skifta millum fleiri flokkar. Tískil kann eitt sindur av broyting í mun til vanligu tímatalvuna møguliga koma fyri.
Av tí at vit skulu vera úti hvørt fríkorter og møguliga fara út onkrar tímar, hevði verið gott um næmingarnir hava góðan heitan jakka og húgvu.
Næmingarnir brúka enn brandhurðina til 4. flokk og spritta/vaska, tá ið teir koma inn.
Toymið :)
Hey tit øll :)
So byrjaði skúlaárið í 4. flokki. Tað var gott endiliga at sleppa at heilsa uppá fittu næmingarnar, vit skulu vera lærarar hjá hetta komandi árið.
Ein nýggjur næmingur er byrjaður í flokkinum; hann eitur Malthe og er úr Viborg, Danmark. Vit vóna, at hann fer at stórtrívast saman við okkum. :)
Vit fara at biðja næmingarnar hava 100,- krónur við í skúla, so vit kunnu keypa teimum hefti, mappur og annað, tey skulu brúka. Tað, sum skal vera í pennahúsinum, keypa tit tó sjálvi.
Vh. Toymið, Linda og Louisa
