Náttúra og tøkni

Náttúra og tøkni

19. sept. 2018

Í dag fóru vit fóru ein túr oman á Boðanes at fanga kombikk og marflugur. Og tá vit gingu fram við studentaskúlanum funnu næmingarnir ein deyðan fugl. Fuglurin hevur allarhelst flogið inn í ein rút og er deyður av løstunum.

Vit royndu at gita, hvat hetta var fyri ein fuglur og aftaná at hava hugt at ymiskum fuglamyndum er einki at ivast í, at fuglurin er ein músabróðir. 

Seinni gjørdu vit eina roynd at fanga krabbar niðri á Tinganesi, men vit funnu bert ein evarska lítlan deyðan krabba. Vit ætla okkum at royna at seta eina rúsu (krabbafellu) onkrastaðni í fjøðruni ella av onkrari kei. 

5. sept. 2018

Tað regnaði, so vit høvdu kemi í køkinum í dag. Hetta er uppskriftin til eksperimentið, sum vit øll gjørdu, sjálvtum bólkarnir fingu sera ymisk úrslit :)

Vónandi verður turt og stilt komandi viku, so vit kunnu fara undir okkara fjøru-akvarium :)