Gamla Lotta – arbeiðsspurningar  

1. Hví munnu foreldrini krevja, at Maria giftir seg? 
2. Hvør hugburður kann fjala seg í tí kravinum? Hava foreldrini rætt til at krevja hetta av Mariu? 
3. Hví man Maria ikki vilja gifta seg? 
4. Hvørjar forðingar sær Maria í at gifta seg? 
5. Er tað ein forðing at vera ung einsamøll mamma? Hvussu við útbúgving? 
6. Hvønn týdning hevur Gamla Lotta fyri Mariu? 
7. Hví skilir Gamla Lotta støðuna Maria er í? 
8.Hvørjum halda tit Maria skal lurta eftir? Sær sjálvari ella foreldrunum? Hví? 
9.Gamla Lotta gjørdi sum foreldrini søgdu, tá hon var ung. Hvørja ávirkan hevur tað havt á lív  hennara? 
10. Hví vildu foreldrini hava, at Gamla Lotta skuldi gifta seg við Arna og ikki Jóhann? 
11. Hví valdi hon ikki Jóhann? 
12. Lýsið tíðina tær báðar liva í.  
13. Greiðið frá muninum ímillum tíðina tá Gamla Lotta var ung og tá Maria var ung.  
14. Hvør hugburður og hvørji lívsvirði vóru galdandi í hesum báðum tíðum? 
15. Hava kærleiki og fríur vilji altíð verið kjarnin í einum hjúnarlagi? 
16. Hvønn týdning hava ættarbond og ognir í samband við hjúnarlag? Hví? 
17. Hvat er kjarnin í einum lukkuligum hjúnarbandi? 
18. Hvussu stóran týdning hevur kærleikin? 
19. Hvussu stóran týdning hava pengar og fíggjarligur tryggleiki? 

Meldur 
 
1. Skrivið ein stuttan samandrátt 
2. Hvørji afturvendandi evni eru í søguni? 
3. Tíð: nær fer søgan fram? 
4. Stað: hvar fer søgan fram? 
5. Umhvørvi: lýsið umhvørvið 
6. Greiði frá, hvussu søgan lýsir tvídráttin ímillum skúla og forelskilsi og ímillum tað skilvísa og     kensluborna 
7. Hvørjar hugsanir hevur gentan um skúlan? Hvat broytist, tá hon verður forelskað? Hvussu broytist gentan sjálv? Hví velur hon skúlan fram um kærleikan? Og hvat sigur tað um gentuna? 
 
8. Greiðið frá rithøvundanum. Og hvat halda tit boðskapurin í søguni er? 
 
 
Hvat er forelskilsi, og hvussu ávirkar tað gerandisdagin, vinaløgini, skúlan og viðurskiftini annars? 

16 ár 
 
Skrivið ein stuttan samandrátt 
Hvørji afturvendandi evni eru í søguni? 
Nær fer søgan fram? 
Hvar fer søgan fram? Lýsið stað og umhvørvi 
Er munur á, hvussu genturnar og dreingirnir gera seg kláran til dansin? Hví eru útsjóndin og klæðini so umráðandi?  
Lýs munin á prátinum millum genturnar og dreingirnar áðrenn dansin? Hvørjar eru vónirnar hjá teimum áðrenn dansin? Er munur á, hvussu gentur og dreingir tosa í veruleikanum? Hvat halda tit, at tað merkir, tá báðir dreingirnir í endanum siga: “ at tað lukkaðist”? Og hvat halda tit, at genturnar tosaðu um, eftir at dreingirnir vóru farnir? 
Um vit hugsa um evnið “Ungur kærleiki”, hvussu er so í dag? Er tað drongurin sum skal spyrja gentuna? Ella kann tað verða gentan, ið spyr dreingin? Og halda tit, at tað er munur á kærleika/forelskilsi millum ung og millum vaksin? 

Øðrvísi

1.     Býtið søguna sundur í partar – gerið yvirskriftir
2.     Lýsið sambandið millum gentuna og mammuna
         -   Hvønn týdning hevur mamman fyri gentuna og lív hennara?
         -   Er mamman ein hjálp ella ein forðing fyri menningina hjá gentuni?
3.     Lýsið sambandið millum hini í søguni
         -   Hví hevur gentan so lítið samband við onnur fólk?
         -   Hvussu bregður hon frá hinum? Hvat er tað, sum ger hana øðrvísi?
4.     Hvussu kemur happing til sjóndar í søguni?
         -   Eru onnur evni at viðgera í søguni? Um ja, hvørji og hví?
5.     Hvønn týdning hevur hundurin hjá gentuni?
         -   Hví letur hon hann verða liggjandi í songini?
         -   Hvør er konan, sum vitjar hana av og á?
         -   Hví ger hon so nógv burturúr, áðrenn konan kemur?
         -   Hví sær hon konuna sum eina hóttan?
6.     Hví livir gentan so einsamøll og avbyrgd? 
 
At kjakast um: (hugsið væl um hetta áðrenn vit kjakast og skrivið endiliga notur)
         -    Nær og hvar meta tit, at søgan fer fram?
         -    Hvussu er umhvørvið?
         -    Hvør hevur ábyrgd av øllum teimum, ið liva á skuggasíðu samfelagsins?
         -    Hvør er uppgávan hjá foreldrum?
 
 
 

Til son mín 

Eftir Poul F. Joensen 

Greið væl frá innihaldinum í hvørjum ørindi 
Er yrkingin episk ella lyrisk? Er nakað rím? 
Hvat sigur pápin um lívið og heimin? Hvat bíðar soninum? Hví skal sonurin ”menna sína sál”?  Hvørjar ávaringar og hvørji góð ráð gevur pápin soni sínum? Og hví gevur pápin júst hesi ráðini? Hvat sigur tað okkum um pápan og hansara lívsfatan? 
Hvussu byrjar og endar yrkingin? Hvør er munurin á hesum báðum ørindunum? Hvønn týdning hevur sonurin fyri pápan? Kann hetta roknast sum ein vøgguvísa? Hví/hví ikki? 
 
 
Samanberið "Morgun" á s. 99 við yrkingina "Til son mín" á s. 79. Vísið á líkleikar og munir. 

Morgun 
Eftir Martin Joensen 
 
1. Greið væl frá innihaldinum í hvørjum ørindi.  
2. Er yrkingin episk ella lyrisk? Er nakað rím? 
3. Hvat heldur "eg-persónurin" um lívið og heimin? Hvørjar ávaringar og hvørji góð ráð gevur "eg" tí nýfødda? Hvønn "arv" fær tann nýføddi? Hvørji "amboð" hevur tann nýføddi at hjálpa sær í lívinum? 
4. 3. og 7. ørindi er eins. Hví halda tit, at hann leggur dent á júst hatta ørindi? 
5. Hvussu skal barnið fáa tann neyðuga førning at klára seg í lívinum? Kann skúlin geva barninum nakað? T.d. lata heimin upp við at hjálpa barninum at finna sín sess, styrkja viljan, birta vónina og lýsa vegin fram á mál? Kann skúlagongdin styrkja ábyrgdarkensluna, so hon ikki einans er ein tung byrða, sum øll noyðast at bera? 
6. Hvør er høvuðsboðskapurin í yrkingini?