Góðu foreldur!

Vit hava aftur havt eina góða viku og gleðast framvegis um at hava fingið ein so ómetaliga fittan flokk :D Vit vilja tó minna foreldrini á at koma við børnunum nóg tíðliga til at vit kunnu byrja kl.8.00 ;)

1.flokkur fer týsdagin at møta sínum vinaflokki á fyrsta sinni :D Hugsanin við vinaflokkum er, at tað skapar tryggleika hjá teimum smáu at kenna nakrar stórar næmingar, umframt at tað er mennandi og læruríkt hjá teimum stóru at læra at taka ábyrgd. 5.flokkur verður vinaflokkur hjá 1.flokki og hetta heldur áfram líka til 5.flokkur fer úr skúlanum. Vit fara hesa fyrstu ferðina at møta teimum í høllini og fara at spæla ymisk spøl saman og læra hvør annan at kenna. Av tí at tað einans eru 27 næmingar í 5.flokki, fara fleiri teirra at vera floksvinur hjá tveimum næmingum í 1.flokki.   

Børnini eru nú byrjað at lesa og vilja vit bara minna eina ferð enn á, at týdningarmesta uppgávan tit koma at hava í samband við fólkaskúlan er at lesa við barni tykkara í 1.flokki. Lesingin hevur týdning fyri allar hinar lærugreinarnar og tíðin, ið tit leggja í lesingina, er tí ein sera góð íløga í framtíðina hjá barni tykkara. 

Fylgið annars endiliga við í vikuætlanini, so barn tykkara er komið har til, sum tað skal. 

Ein broyting komandi tíðina er, at Beinta nú fer til USA og verður burtur til 7.desember. Vit ynskja henni alt tað besta og eina góða tíð í USA :)

At enda skulu vit bara minna á, at næmingarnir ikki skulu hava leikur frammi í skúlatíð. Tað lættasta fyri okkum er sjálvandi, at tey als ikki hava hesar leikurnar við ;)

Vinaliga

Toymið

Góðu foreldur!

Vit eru sera takksom, at fleiri longu hava bjóðað heim í føðingardag :D So sera gott fyri samanhaldið og trivnaðin í flokkinum :D - Vinaliga boðið líka okkum frá, hvørjum tit bjóða heim, so vit kunnu siga tað í flokkinum. Vit hava upplivað, at nøkur ganga og spyrja: "Skal eg eisini í føðingardag hjá tær í dag?". Hetta umganga vit, um vit fáa boðini og kunnu siga næmingunum, hvussu verður :)

Summi børn eru eitt sindur ótrygg við at skula svimja við skúlanum. Her kunnu vit nevna, at tey eru bara í tí lítla hylinum, spæla og læra eitt sindur eisini. :) Um tað er langt síðani, at barn tykkara var og svam, hevði tað verið sera gott, um tit fóru at svimja við teimum nakrar ferðir :D

Vit hava gjørt av, at bøkurnar: Súlan arbeiðsbók, Vit skriva og Rokning 1b altíð skulu vera í taskuni. Tað er ov ofta, at bókin liggur í skuffuni, tá ið barnið skal gera okkurt heima. Harumframt eru tað foreldur, ið fegin vilja kunna síggja bøkurnar hjá barninum, sjálvt um tey blivu liðug í skúlanum. Tað er umráðandi, at bøkurnar koma við í skúla hvønn dag. Vit fylgja ikki altíð tímatalvuni. 

Næmingarnir hava nú fingið sína fyrstu lesibók :D Lesibókin er í einum lumma saman við einum lesikorti. Tit skriva í lesikortið hvørja ferð, tá ið tit lesa heima....helst hvønn dag :D Vit lesa eisini við næmingunum í skúlanum. Tá ið vit meta, at tey eru klár, fáa tey næstu lesibókina. Tað er sera ymiskt, hvussu skjótt tað gongur hjá teimum at gerast klár til næstu bókina og tað er í fínasta lagi.
Tað, ið tit kunnu gera, er at tryggja, at tey lesa eitt sindur hvønn dag :)

Spyrjið endiliga, um tað er eitthvørt, ið tit ivast í.

Vinaliga

Toymið 

Góðu foreldur

Vit hava havt eina sera góða viku og merkja, at børnini kenna seg meira og meira trygg :) 

Vit eru sera takksamar fyri, at allir dreingirnir longu hava verið í føðingardag tvær ferðir. Hetta er avgjørt við til at skapa trivna og styrkja samanhaldið millum allar dreingirnar :D Sigið endiliga líka okkum frá, tá ið tit bjóða heim, bara so vit vita tað og kunnu svara børnunum, um tey spyrja okkum um ymiskt í mun til føðingardagin :)

Nakrir næmingar mangla enn saks og límstift. Og so vilja vit aftur heita á tykkum um, at barn tykkara hevur ein tjúkkan, trýkantaðan blýant við, so tað er lættari hjá teimum at læra at halda rætt í blýantinum. 

Tað hevði verið óført, um tit fyltu vatndunkarnar heima ;)

Vit fara nú yvir til at læra tveir bókstavar um vikuna. Tað merkir, at næmingarnir hesa vikuna læra sín fimta bókstav og tá er tíð til at fáa sína fyrstu lesibók :D Fríggjadagin fáa øll eina lesibók heim við. 

Lesibókin, ið tey fáa fríggjadagin, verður í einum lumma saman við einum lesikorti. Tit skriva í lesikortið hvørja ferð, tá ið tit lesa heima....helst hvønn dag :D Vit lesa eisini við næmingunum í skúlanum. Tá ið vit meta, at tey eru klár, fáa tey næstu lesibókina. Tað er sera ymiskt, hvussu skjótt tað gongur hjá teimum at gerast klár til næstu bókina og tað er í fínasta lagi. Tað tit kunnu gera, er at tryggja, at tey lesa eitt sindur hvønn dag :)

Spyrjið endiliga, um tað er eitthvørt, ið tit ivast í.

Vinaliga 

Toymið

Fundarfrásøgn

Lesing: Mariann kunnaði um týdningin av at hjálpa børnunum nógv fyrstu árini í skúlanum. Arbeiðið nú verður afturlønt mangar ferðir seinni. Hon kunnaði somuleiðis um, at hon fer at koma inn í flokkin at gera ymiskar kanningar ígjøgnum árið – í mun til at læra bókstavar og ljóð og síðani eisini lesiførleikan hjá næmingunum.– Lesið endiliga faldaran um lesing, ið liggur á netinum. Leinkja er her og á vikuætlanini. https://nam.fo/fileadmin/00_filagoymsla/01_filar/01_laerugreinar/01_foroyskt/fakligt_tilfar/Lesing_ein_god_byrjan/Lesing_-_ein_god_byrjan_-_a_netid.pdf

SSP: SSP – foreldrafundur um skýggjar verður 29.sept.

Vikuætlanin og boðklivin: Hyggið í vikuætlanina hvønn dag. Vit skriva, tá ið tit skulu hyggja í boðklivan.

Praktisku viðurskiftini: – Lesið vinaliga pappírið ígjøgnum, ið tit fingu frá okkum lærarum um pennahúsið, matpakkar oa. – Tað er umráðandi, at blýantarnir eru trýkantaðir. Hetta ger tað lættari hjá børnunum at læra at halda rætt í blýantinum. Somuleiðis er tað umráðandi, at tit skriva navn á alt, ið er í pennahúsinum.....um tit ikki ynskja at keypa nýtt í heilum

Foreldrafundur 19. august kl.19.00 - 21.00

Skúlastjórin bjóðar vælkomin

Komandi skúlastjórin heilsar uppá

SSP - lærarin kunnar um hennara virksemi

AKT - lærarin kunnar um hennara virksemi

Leiðarin á Førleikastovuni tosar um lesing

Toymið kunnar um: 

- Praktisk viðurskifti

- Tað fakliga

- Arbeiði við trivnaðinum

Foreldraráð verður valt

Eins og áður nevnt er tað sera umráðandi, at bæði foreldur eru við til fundin. 

Vinaliga 

1. flokstoymið 

Góðu foreldur

Vit hava havt nakrar deiligar dagar saman við børnum tykkara. Tey eru sera fitt og duga longu rættiliga væl 'at ganga í skúla' :D

Allir næmingarnir hava nú verið runt og sæð allan skúlan. Tey halda hann vera ómetaliga stóran. Fríggjadagin í heimstaðarlæru vóru vit og gingu túr. Ætlanin er at fara til bústaðin hjá øllum børnunum í flokkinum. Vit fara ikki inn, men taka eina mynd av barninum uttan fyri teirra bústað :) Børnini síggja á hendan hátt, hvør býr tætt við hjá teimum og læra somuleiðis nærumhvørvið at kenna.

Mikukvøldið 19.aug. verður foreldrafundur kl.19.00. Foreldrafundurin verður í 1. flokshølinum. Fundurin verður liðugur í seinasta lagi kl.21.00. Skráin kemur seinni.

Tað er av sera stórum týdningi, at bæði foreldur eru við til foreldrafundin.

Gott vikuskifti :)

Vinaliga

Toymið