Fóru við bussinum yvir í Berjabrekku og gingu har eftir hugnaligu gøtunum yvir í Villingadalsvegin. Har varð greitt frá um, hvussu "mangir løkir smáir gera stórar áir". Løkirnir til Havnará byrja m.a. í Húsahaga undir Húsareyni og gerast til smáar áir við Krákugjógv og onnur gil, ið at enda renna oman í Havnará. Greitt var frá týdninginum, sum áir hava havt fyri fólk og at tað altíð hevur verið umráðandi at búgva nær áum fyri at fáa reint rennandi vatn at drekka og til matgerð, umframt eisini til at vaska í. Greitt varð eisini frá, at seinni eru áir vorðnar til kloakkir, sum luktaðu illa. Áirnar vóru tí seinni lagdar undir heilt, soleiðis sum Havnará er. Tað seinasta sum sæst av henni er, tá ið hon hvørvir undir Hoydalsvegin við Sjónleikarhúsið. Á vegnum oman gjøgnum býin fylgdu vit ánni, soleiðis, sum myndirnar sýna. Tá ið vit komu oman til øki við Badmintonhøllina, gjørdu vit av at steðga og taka okkum av løttum. Tað vísti seg, at hetta var eitt stað, sum næmingarnir stórtrivust í, har var bæði á, viðarlund og mangt annað, sum kveikti hugin hjá næmingunum. Leiðarin fyri Frítíðarskúlan í Badmintonhøllini tók væl í móti okkum og bað okkum endiliga nýta plássið. Eftir ein góðan steðg, hildu vit fram við at fylgja ánni. Vit gingu gjøgnum viðarlundina, skótahúsið og til áin hvarv undir Hoydalsvegnum. Hildu so fram at ganga oman á henni - til vit komu í Steinatún. Har tóku vit bussin niðanaftur í skúlan. Ein góður útiskúladagur.

3.fl í Útiskúla 20. apríl 2022 niðan á Kongavarðar
Fóru við bussinum út á Argjahamar og fóru til gongu niðan í skúlan. Frá skúlanum fóru vit upp um eitt hegn og gingu niðan móti Kongavarðum fram við Sandinum og Klingrutjørn. Har gingu argjabørn og leitaðu eftir skordýrum, sum partur av undirvísingini. Veðrið var av tí besta og skjótt komu vit niðan á Keksisskarð og so tað síðsta pettið niðan til varðarnar. Ein skadda lá um toppin og nakað av vindi var. Móti norði var eitt stað, har vit lívd og gott vara at eta matpakkan og tendra bálið. Sum vant fóru næmingarnir at granska økið og funnu ymist spennandi. M.a. funnu teir tríggjar gullfuglar, sum vóru límaðir á ein stein. Um 12.30 fóru vit til gongu aftur oman og stutt eftir sótu vit í bussinum á veg niðan í skúlan, har vit vóru um 13.30 tíðina.

Vit koyrdu við bussi út til musikkskúlan. Har fóru vit til gongu eftir Landavegnum og síðani eftir Marknagilsvegnum. Málið var at fylgja Rættará oman gjøgnum býin. Byrjað var við at fylgja ánni við at fara í tunnil undir Marknagilsvegnum. Har var heldur myrkt og hált, men spennandi og væl gekk. Siðani gingu vit oman til gomlu vatnbyrgina, sum er niðanfyri Glasir, eitt sera hugnaligt øki. Niðanfyri byrgina sóu vit tey gomlu rørini til drekkivatnsleiðingina. Síðani fylgdu vit ánni og væl bar til hóast tað er bygt rættiliga tætt í hana. Vit gingu undir Íslandsvegnum oman, fram við Grønlendingahúsinum og gomlu vatnmylluni - til vit komu í viðarlundina við Vesturkirkjuna. Har ótu vit matpakkan, kyndu bál og hugnaðu og spældu okkum. Her var tað so, at onkur legði til merkis at hetta økið var nýtt sum "location" í Trom, nevniliga, har morðið fór fram. Bussleiðin til Hoyvíkar koyrir eftir Frælsinum, so vegurin aftur í skúlan var lættur.

3.fl í útiskúla 16. mars 2022
Endiliga var gott veður aftur at fara í útiskúla og eingin sjúka ella korona at darva hesum. Vit gingu úr skúlanum omaneftir gøtunum fram við Maritugøtu. Fram við barnagarðinum og síðani gøtuni úr Oman Hoydalar oman í viðarlundina. Har tosaðu vit um, hvussu Hoyvíkin var vaksin, um minkagarðin og um sanatoriið. Úr Hoydølum gingu vit út á Hvítasand, ið er skamt við tyrlupallin. Har vit ótu matpakka og tendraðu bál í fjøruni. Og næmingarnir fingu høvi til at kanna økið og at spæla. Fleiri sótu í sjóvarmálanum og hugdu eftir aldu og brimi, meðan sólin skein oman og niðan. Um tað tíðina, tá vit høvdu ætlað okkum víðari, sóu vit at himmalin var krunkasvartur, sum merkti at eitt æl var í væntu. So vit gjørdu av at fara víðari. Vit vóru ikki meira enn farin til gongu so køvdi av við heglingi. Men tað bilti ikki og vit funnu eisini eitt stað at kroka eina løtu. Vit tóku síðani tveyaran oman í Steinatún og eittaran niðan í skúlan.
(viðmerkjast skal, at nakrar myndir eru kámar, tí at linsan í myndatólini gjørdist skitin)

Vit høvdu nógvar flottar og stuttligar grýlur í 3. flokki :)

Í dag var gott útiskúlaveður. Vit gingu frá skúlanum eftir Løgmannabreyt niðan í Klingruna. Hagani út í Hoyvíkshagan og oman til nýggju rundkoyringina á Hvítanesi. Á vegnum tosaðu høvdu vit landalæru og tosaðu um fjøll, nes og sker. Eisini tóku vit rusk upp úr haganum og tá vit komu oman á vegin løgdu vit tað í eina rúgvu, vónandi verður tað skjótt burturbeint.

Síðani gingu vit runt um tunnilsopið til Eysturoyartunnilin og yvir í Akkersvík. Her løgdu vit til merkis, at ein veðrur fylgdi okkum. So við og við kom hann nærri og nærri og var sera hóttandi. Ikki fyrr enn tað varð geylað og rópt eftir honum steðgaði hann og tá eydnaðist at faa allar næmingarnar fram við honum.

Vit gingu út í hvítasand á Hvítanesi, har vit ótu matpakka og tendraðu bál í fjøruni. Har var mangt spennandi at finna, m.a. bein og skeljar. Á miðdegi byrjaði at regna illa og vit fóru til gongu niðan móti busssteðgistaðnum. Vit koyrdu so aftur í skúlan, har vit vóru um eitt tíðina. Eitt sindur vát og móð men í góðum hýri.

Hóast nógvar stormdagar í januar, so eru tað glottar í millum. Og soleiðis var í dag. Aftur hesa ferð gekk leiðin við bussi út á Norðasta Horn. Í mun til í síðstu viku var eingin kavi, men gott og lýtt veður, kanska nakrir dropar. Vit steðgaðu við skótadeplinum, sum hevur fingið heitið Tórðgarð. Við bálplássið kvóðu vit part av Nykursvísu og næmingarnir sungu væl við. Síðani hildu vit til fjals. Har var gott at ganga. Av Lítla fjalli varð gingið oman í viðarlundina undir Kerjum. Har var lívd og góðar umstøður at eta matpakkan rundan um lítla bálið. Serliga væl dámdu næmingarnir at sveiggja í bandinum, sum hekk har til tað sama. Áðrenn vit aftur fóru til gongu, kvøðu vit alla Nykursvísuna rundan um bálið, sum nú var um at slókkna. Vit vóru aftur í skúlanum kl. 13.35

Í góða kavaveðrinum í dag gekk leiðin við bussi út á Norðasta Horn. Har stóð Jonna frá Barnaútvarpinum fyri okkum við mikrofon. Hon fylgdi okkum niðaná og fekk fleiri góð prát við næmingarnar. Leiðin gekk niðan á Lítla fjall - fram við rossafjósunum og skótadeplinum. Lotið var kalt og tað var ein avbjóðing at ganga hesa leið. Men tað stóð ikki á hjá røsku næmingunum í 3. flokki, hóast vindurin beit í kjálkum og oyrum. Av Lítla fjalli varð gingið oman í viðarlundina undir Kerjum. Har var lívd og góðar umstøður at eta matpakkan rundan um lítla bálið. Uml. kl. 12.45 fóru vit í bussin oman í Steinatún og so niðan í skúlan. Ein fínur útiskúli.

Í heyst hava vit arbeitt við málaríi við temanum “borðið, borðhald, at sita rundanum borðið til ymisk høvi.” Ein næmingur segði um sína mynd, at tað vóru hann og Gud sum eta bomm!

Vit fóru í bussin út á Argjahamar. Fóru til gongu suðureftir móti Sálarbótará og gingu oman á Rókina, har toftirnar av einum seyðahúsi eru. Við útsýni út á Gulan og aliringarnar ótu vit matpakkan og hitaðu okkum við bálið. Veðurvánirnar vóru ikki so góðar og á veg heim aftur høvdu vit í móti, bæði vind og regn. Á leiðini gingu vit fram við Argjaskoti, hetta lítla gili, ið var nýtt at goyma seg fyri sjórænarum í fyrr í tíðini.

Eftir at tað hevði regnað í fleiri dagar, var sól henda mikudagin, stilt og gott veður. Vit fóru við 1'aranum oman í Steinatún og tóku 2'arin, sum koyrir út í Norðasta Horn. Á krossinum við Velbastaðarvegin fóru vit av og gingu oman móti Sandá, fóru um brúnna til Müllersgarð. Hagini var góð gøta at ganga fram við ánni, friðarligt og eingir bilar.

At enda komu vit oman til gamla spinnaríið, har ætlanir eru um at nýggj kirkja skal verða bygd. Har settu vit okkum at lurta í 1 minutt og tað, sum næmingarnir hoyrdu var brúsið frá ánni, vindur, bilar, tyrla og skav av grúsi.

Síðani fóru vit oman í Sandágerð, har matpakkin varð etin og bálið varð tendrað. Á veg heim aftur tóku vit 1'aran við Landssjúkrahúsið og hann koyrdi beint í skúlan

Í dag høvdu reyð og gul útiskúla. Vit gingu frá skúlanum eftir Løgmannabreyt niðan í Klingruna. Hagani út í Hoyvíkshagan og oman til nýggju rundkoyringina á Hvítanesi. Síðani gingu vit runt um tunnilsopið til Eysturoyartunnilin og yvir í Akkersvík. At enda komu vit í Flávíkina á Hvítanesi, har vit ótu matpakka og tendraðu bál. Í fjøruni var mangt spennandi at finna, m.a. bein og skeljar. Á miðdegi byrjaði at regna illa og vit fóru til gongu aftur í skúlan, har vit vóru um eitt tíðina. Eitt sindur vát og móð men í góðum hýri. Í dag gingu vit næstan 6 km.

Mánadagin 24. oktober var 3. flokkur í útiskúla. Vit gingu úr skúlanum yvir til brúnna, sum fer yvir um Hoydalsá yvir móti Ternuryggi. Hoydalsá, sum er markið millum Havnina og Hoyvík, byrjar í Villingardali og Villingardalsfossi og heldur so sína leið oman móti sjóvarmálanum. Tó er tað ikki alt vatnið úr Villiingardali, sum kemur í ánna, tí har er vatnbyrging, har drekkivatni til eysturbýin og Hoyvík verður savnað.

Eftir at mynd var tikin á brúnni, var farið til gongu fram omaneftir. Har møttu vit fleiri avbjóðingum, m.a. ráddi tað um at halda sær fast fyri ikki at glíða, at krúpa millum greinar og halda fast í hegni fyri ikki at detta í ánna. Tey, sum høvdu stivlar høvdu tað eitt sindur lættari og fingu eisini møguleikan at fylgja ánni í smoguni undir Vegnum Langa. Niðri við Svartafoss steðgaðu vit og næmingarnir komu við træsprekunum, sum teir høvdu fingið við skúlan og løgdu tað í lítla bálið, sum bæði vermdi og skapti hugna.

Eftir hetta fóru vit aftur í skúlan

Genturnar gera koronatrøll

Í dag hava dreingirnir lært um fuglar. Vit byrjaðu við at gera onkran fugl úr sentiterningum. Hesir blívu síðani settir upp sum ein framsýning, sum genturnar so hava hugt at, ímeðan vit hava verið í tjørnini og lurta og hugt at fuglum. Fyri hvørt nýtt fuglaslag skuldu teir binda ein vanligan knút á eitt band og so høvdu vit eisini eina kvitta løtu hvar teir skuldu lurta eftir fuglaljóðið :)

Dreingirnir hava gjørt speglmyndir :)

Í dag hava dreingirnir sett eplir niður, teir eru so spentir til í heyst, tá ið vit fara at taka upp aftur :)

Í dag hava dreingirnir lært at bregda :)

Í dag hava vit verið í tjørnini og flotað træbátarnar. Tað vóru tó mýggjabitarnir, sum fóru avstað við øllum uppmerkseminum :)

Í dag hava dreingirnir gjørt træbátar, sum vit fara at royna í morgin. Vóru sera raskir at halda frástøðu og bara brúka sítt amboð. Ein stuttligur dagur :)

Her eru myndirnar hjá 1. flokki á fastalávint :)

Hesa vikuna er lesivika og øll lesa í 30 min. hvønn morgun :) Sera røsk :)

Vit hava gjørt rørslur og fantasihús við okkara egna kroppi. Síðani hava vit gjørt hús til mjølormar úr flamingo, sum teir era og niðurbtóta til mold :) Sera spennandi :)

Mariann Reinert politistum hevur verið og undirvíst í, hvussu ein ferðast í ferðsluni

Næmingarnir hava gjørt húsið hjá sær sjálvum og myndprýtt við familju, kamari, tingum teimum dáma og ikki og við eini ættartalvu. Næmingarnir hava gingið túrar í nærumhvørvinum og hugt hvar næmingarnir í flokkinum búgva, og í framsýningini eru húsini sett á gøturnar, har tey í veruleikanum hoyra heima.

Nú hava vit næstan vitja uttanfyri hjá øllum næmingunum. Teir seinastu fara vit at vitja í næstu viku :)

Bank Nordik bjóðaði øllum 1. flokkum á vitjan. Næmingarnir hugnaðu sær saman við Bubu og øðrum næmingum úr øðrum skúlum úr Havn :)

Endamálið við vitjanunum er at vísa næmingunum hvar floksfelagirnir búgva og kanna nærumhvørvi :)

Skúlin við Løgmannabreyt hevði rennidag í dag og innskúlingin var niðri á Tórsbreyt :) Næmingarnir hugnaðu sær og vóru so røsk at renna :) Tey runnun 11,3 km í miðal :)

Vit hava rudda rundan um skúlan :)

Vit hava veriđ heima hjá hesum fittu næmingunum í dag :)

Endamálið við vitjanunum er at vísa næmingunum hvar floksfelagirnir búgva og kanna nærumhvørvi :)

Vit hava veriđ á Vísindavøku í morgun.

Vit hava verið á Býarbókasavninum á val í morgun. Ein deiligur túrur vit fittum næmingum :)

Nú hava næmingarnir lært 2 bókstavir Á og L :)

Vit hava í dag vitja uttanfyri hjá nøkrum av næmingunum í 1. flokki
So fitt børn tit eiga :)

Endamálið við vitjanunum er at vísa næmingunum hvar floksfelagirnir búgva og kanna nærumhvørvi :)