Føroyskt
Frílesing:
Næmingarnir hava lesiløtu í skúlanum hvønn dag. Somuleiðis skulu næmingarnir lesa heima í minst 15 min. hvønn dag.
Til frílesingsbøkurnar eru uppgávur ella bókaummæli, sum skulu loysast ella skrivast, áðrenn næmingurin fær nýggja bók. Tað kann tó vera, at lærarin ger aðra avtalu við einstakar næmingar.
Skrivið í lesikortið, tá tit lesa heima og viðmerk hvat er lisið og H (heima) í teigin uttast til høgru.
Næmingarnir fara á bókasavnið eftir tørvi, tá teir skulu hava nýggja bók.
Fyrisøgn:
Næmingarnir skriva fyrisøgn í skúlanum hvønn mikudag. Týsdag fyrireika teir fyrisøgnina í skúlanum: prikka sjálvljóðini, býta orðini sundur í stavilsi og skriva fyrisøgnina av á eitt pappír við skrivihúsinum á. Næmingarnir skulu so venja venjiorðini heima til mikudag, tá teir skriva fyrisøgnina í eitt fyrisagnarhefti í skúlanum.