3. flokkur í Skúlanum við Løgmannabreyt vitjaði mikudagin Sjósavnið, sum er Argjum, skamt við Sandagerð.
Her tók Hans Eli Sivertsen ímóti og greiddi meistarliga frá um tað, sum er at síggja á savninum. Og væl lá fyri at greiða frá, næmingarnir sótu hugtiknir og lurtaðu við stórum áhuga.
Eftir tað varð farið útum at hyggja at tí stóra karinum, har toskar og upsar upp í 20 kg vóru at síggja saman við seiði, hýsu og øðrum fiski.
Síðani fóru næmingarnir sjálvir á kanningarferð, m.a. við at loysa uppgávur, sum savnið hevur gjørt til tað sama.
Vit takka fyri eitt sera gott og lærandi undirvísingartiltak!
Fleiri myndir og filmsupptøkur eru at síggja HER