Árni Winther Arkitektar hava teknað Skúlan við Løgmannabreyt,

ið er eitt nýbrot í føroyskari skúlabygging. Stórur dentur

er lagdur á, at byggiháttur, innrætting, litir, ljós og myndlist

skapa eitt kveikjandi læruumhvørvi við áherðslu á uppliving

og sjálvvirkni.

Í skúlanum eru allir nútímans hentleikar, so til ber at hava fjølbroytt

undirvísingarvirksemi, ið er lagað eftir tørvi og fortreytum

næminganna.

Listamaðurin Edward Fuglø (1965) hevur prýtt miðhøllina í

skúlanum. Listaverkið er myndrond, sum lýsir eina søgu um

næming, ið fer út í stóru verð at søkja

sær kunnleika og eydnu.

Hetta er søga um tað góða, sum sigrar á tí ónda, og um

næming, ið lurtar, sær og lærir at týða tekin. Hetta er eisini

søga um tann, sum hevur áræði og mót, og sum fer gjøgnum

eld og vatn at náa sínum málum.

1. august 2006 loysti borgarstjórin, Heðin Mortensen, fyrsta

flagið fyri nýggja skúlanum, og tvey ár seinni, í august 2008,

var fyrsta byggistig liðugt. Tá fóru 115 næmingar í fyrsta undirvísingarparti

í skúla og í frítíðarskúla.

Skúlin við Løgmannabreyt verður 2-sporaður skúli. Tá ið hann

verður fullskipaður, fara 450 næmingar í níggju

árgangum at ganga í skúlanum. Sum nú er, er næmingatalið

363 í átta árgangum. Lærararnir eru 35 umframt stuðlar og

onnur starvsfólk.

Eisini er frítíðarskúli til 1. og 2. flokk knýttur at skúlanum. Har

arbeiða tólv námsfrøðingar og hjálparfólk.

Víddin á skúlanum er 6.200 m². Økið uttanum er 15.000 m²..