UNDANKAPPING
Í dag var stór talvkapping í skúlanum. 32 lið, við 6-8 næmingum á hvørjum liði, telvaðu í skúlanum í dag.
Fyrsta av fýra undankappingum var í dag hildin í Skúlanum við Løgmannabreyt, har 3.-4. flokkar í suður-vestur økinum brustu saman.
Tað var Helgi Dam Ziska sum stóð fyri kappingini.
Spírin var sannførandi frá fyrsta leiki, og størsti spenningurin var tí um 2. og 3. plássið. Løgmannabreyt 6 og 7 lógu frammarliga líka til síðsta umfar. Nógv lið vóru um boðið undan seinasta umfari, men tá ið avtornaði, vóru Hoyvík 5 og Kollafjørður 1 ovast í rúgvuni.
Endaliga støðan:
1. Spírin (25,5 stig)
2. Hoyvík 5 (22,5)
3. Kollafjørður 1 (19)
4. Hoyvík 1 (18,5)
5. Sankta Frans 1 (18)
...
Í alt 32 lið.
Hetta var ein sera góð kapping og næmingarnir sótu hugagóðir og telvaðu.
3 tey fremstu liðini fingu heiðursmerki og sleppa at luttaka í FM-kappingini eftir páskir.