FM í skúlatalvi

Skrivað hevur: Ása Beder

Útgivið tann: 09.05.2022

Tíðindabólkar: Tíðindi

FM finalurnar í skúlatalvi vóru hildnar í nýumvældu Gulu Smiðju í Saltangará í dag. Seks lið høvdu vunnið sær pláss í hvørjari finalu umvegis undankappingar á Toftum og í Hoyvík.

Næmingar í okkara 4. flokki vóru komnir víðari úr undankappingini fyri yngru liðini, og næmingar í okkara 6. flokki vóru komnir víðari hjá teimum eldru.

Hetta var ein spennandi dagur, har øll liðini telvaðu ímóti hvør øðrum.

Í finaluni fyri 3.-4. flokkar var Keldan í flokki fyri seg. Liðið úr Skálabotni, sum hevur havt talv á tímatalvuni í ár, vann allar dystirnar og endaði á einum greiðum fyrstaplássi við 22,5 stigum. Á næstu plássunum komu Skúlin á Fløtum og Skála - sum vunnu hvør sína undankapping síðsta mánaða - við ávikavist 17 og 14 stigum.

Endaliga støðan:

Keldan (22,5 stig)

Skúlin á Fløtum (17)

Skála (14)

Kollafjørður (13)

Løgmmanbreyt (12)

Glyvrar (11,5)

 

Í finaluni fyri 5.-8. flokkar var Skúlatrøð somuleiðis sannførandi. Klaksvíksliðið, sum eins og Keldan tók lut í skúlakappingunum á fyrsta sinni í ár, vann allar sínar dystir og tryggjaði sær 1. plássið við 22,5 stigum. Stríðið um næstu plássini var tætt, men við stórsigri í seinasta umfari vunnu kollfirðingar seg fram á 2. plássið við 19,5 stigum. Fullfirðingar fingu ikki savnað eins nógv stig í sínum síðsta dysti, men endaðu kortini á einum greiðum 3. plássi við 18 stigum. Kollafjørður og Fuglafjørður høvdu vunnið hvør sína undankapping í apríl, so tað var kanska ikki so galið at fáa eitt annað heiðursmerki um hálsin hesaferð.

Endaliga støðan:

Skúlatrøð (22,5 stig)

Kollafjørður (19,5)

Fuglafjørður (18)

Toftir (14)

Løgmannabreyt (9)

Lítliskúli (7)

Harvið er FM í skúlatalvi av á hesum sinni. Hjartaliga tillukku, Keldan og Skúlatrøð.

Næsta ár verða skúlakappingarnar væntandi í februar/mars