Vegna corona smittuvandan, steingir skúlin í seinasta lagi frá mánadegnum 16. mars 2020 og fyribils tvær vikur fram.
Uttanríkis- og Mentamálaráðið hevur avgjørt, at allir næmingar í fólkaskúlanum skulu vera heima við hús skjótast til ber og í seinasta lagi frá mánadegnum 16. mars 2020.
Tí skulu okkara næmingar, í tann mun tað ber til, ikki koma í skúla í morgin, fríggjadagin 13. mars.
Foreldur, sum ikki hava møguleika at hava børn síni heima í morgin, skulu geva boð til flokslæraran og so skipar skúlin fyri skúlatilboði fyri dagin.
Frá mánadegnum 16. mars hava skúlin og frítíðarskúlin opið í neyðugum vavi fyri børn, sum ganga í 1., 2. og 3. flokki.
Henda serskipan er bara galdandi hjá teimum børnum, hvørs foreldur starvast á serliga avgerandi økjum, og sum ongan møguleika hava fyri ansing annars.
Hesi foreldur mugu venda sær til skúlaleiðsluna við grundgevingum fyri, hví tørvur er á hesum tilboði. Skúlans skylda í hesum sambandi er frá á morgni sum vant og til middags, tá ið frítíðarskúlin tekur yvir.
Skúlin hevur skipað fyri beinleiðis telefonlinju at svara spurningum frá foreldrum og avvarðandi at næmingum, ringjast kann til:
Høgna Joensen 214109, Jón Kragesteen 510449 ella Ásu Beder 280322
Vinarliga skúlaleiðslan