Góðu næmingar og foreldur!
Tað eru nú longu trý ár liðin, síðani vit sum skúli gjørdu eitt átak at savna pening inn til nøkur av teimum fátækastu børnunum í heiminum. Vit savnaðu tá nógvan pening inn, og var hesin peningur til sera stóra hjálp fyri mong.
Tíðin er nú komin, at vit aftur fara at gera eitt tílíkt átak.
Hósdagin 1. mars og hósdagin 8. mars fer 5. flokkur at selja toast og kakao í matarsteðginum. Talan er um rugbreyðs-toastar. Møguleiki er at fáa toast uttan ost, og eisini er møguleiki at fáa glutenfrían toast.
Ein toastur kostar 10 kr., og eitt kakao-sunkist kostar 5 kr. Næmingar kunnu í mesta lagi keypa eitt sunkist.
Peningurin, ið kemur inn, fer óskerdur til at hjálpa børnum og ungum, ið eru knýtt at barnaheiminum og skúlunum hjá NLAI (New Life Africa International) í Nakuru í Kenja.
Vit takka hjartaliga
Mylnuni, ið stuðlar við rugbreyði
Miklagarði, ið stuðlar við skinku og osti
MBM, ið stuðlar við kakao-sunkist. Tey verða at fáa 1. mars
Damfar, ið stuðlar við smáum muffins. Tey verða at fáa 8. mars