Flestu næmingar í Tórshavnar kommunu ynskja at ganga í skúlanum við Løgmannabreyt.
Sum nakað nýtt í ár, var innskrivingin i 1. flokk, forskúla og frítíðarskúla næsta skúlaár í Tórshavnar kommunalu skúlar bert talgild. Foreldur og børn kundu sita heima við hús og fara inn á eina leinkju á heimasíðuni hjá kommununi at skriva seg inn.
Freistin at skriva seg inn var fríggjadagin 19. januar, og tá ið innskrivingin var liðug, vórðu 247 børn innskrivað í komandi 1. flokk.
Heimasíðan hjá Tórshavnar kommunu veit at siga, at 1. floksbørnini eru býtt soleiðis millum skúlarnar:
Skúlin við Løgmannabreyt 46 næmingar
Skúlin á Argjahamri 45 næmingar
Skúlin á Fløtum 45 næmingar
Sankta Frans skúli 41 næmingar
Hoyvíkar skúli 32 næmingar
Eysturskúlin 22 næmingar
Kollafjarðar skúli 8 næmingar
Velbastaðar skúli 5 næmingar
Nólsoyar skúli 2 næmingar
Kaldbaks skúli 1 næmingur
Tølini frá báðum frískúlunum eru ikki komin enn, harafturat plaga nøkur børn at leggjast afturat, eftir at freistin er farin.
Nærum øll børnini eru samstundis innskrivað í frítíðarskúlarnar.
Myndirnar eru frá kunningarfundinum, sum skúlin hevði í samband við innskrivingina