Innskriving í fyrsta flokk

Skrivað hevur: Rói Jacobsen

Útgivið tann: 09.01.2018

Tíðindabólkar: Tíðindi

Foreldur ella verjar, ið ætla at lata barn/børn fødd fyri 1. januar 2012 í 1. flokk í Tórshavnar kommunalu skúlar næsta skúlaár, kunnu nú skriva barnið/børnini inn.

Innskrivingin er fyri skúlar, forskúla og frítíðarskúlar skúlaárið 2018/2019.

Freistin at skriva seg inn er fríggjadagin 19. januar 2018. Innskrivingin er bert talgild í ár í sjálvgreiðsluni á torshavn.fo. Beinleiðis leinki HER.

Tað ber til at biðja um at fáa barn/børn í ein av skúlunum, men er pláss ikki fyri øllum teimum næmingum, sum búgva næst við ávísan skúla í kommununi, verður neyðugt at flyta næmingar í skúla, har pláss er.

Tá ið innskrivingin er liðug, fáa foreldrini boð frá skúlanum, har barn teirra skal í 1. flokk.

 

Forskúli

Foreldur ella verjar, ið ætla at skriva børn í forskúla í Sankta Frans skúla ella i forskúla í Skúlanum á Argjahamri, kunnu skriva tey inn á torshavn.fo

 

Innskrivingarskjalið

Er okkurt viðvíkjandi innskrivingarskjalinum, ber til at fáa vegleiðing á telefon 214140 ella 281123.

 

Meiri fæst at vita

um innskrivingina í skúlunum ella á Mentamáladeildini, Katrin Ellingsgaard, málsviðgeri í skúlamálum, telefon 302010/281123.