Ymiskt

15/9 - 2017 

Vinaflokkar :D

Í Skúlanum við Løgmannabreyt eru ávísir flokkar vinaflokkar. (1. og 5., 2. og 6., 3. og 7. + 4. og 8.) Okkara 5. flokkur var sostatt vinaflokkur við tey, ið nú eru 9. flokkur, men nú eru tað tey, ið skulu vera 'tey stóru'. :D

Hugsanin aftanfyri vinaflokkar er, at tað skapar tryggleika hjá teimum smáu at kenna nakrar stórar næmingar, umframt at tað er mennandi og læruríkt hjá teimum stóru at læra at taka ábyrgd av teimum yngru næmingunum.

Vanligani byrja vit við, at næmingarnir hittast í fimleikarhøllini, og har møta sínum nýggja floks vini á fyrsta sinni. Flokkarnir standa á rað yvir av hvør øðrum og so verður lisið upp, hvør er vinur hjá hvørjum. 1. floks næmingurin fer so yvir til sín 5.floks vin og teir/tær seta seg saman. Bæði eldru og yngru næmingarnir, eru at byrja við eitt sindur smædnir - men halda hetta tó eisini vera stuttligt og spennandi. :)

Skipað verður síðani fyri nøkrum spølum, har floksvinirnir ’fylgjast’ og 5. floks vinurin hevur ábyrgdina av, at 1. floks vinurin hevur tað gott og stuttleikar sær. :)

Skipað verður so fyri, at næmingarnir nakrar ferðir um árið gera ymiskt saman. 

Dømi um tiltøk:

- 5.floks næmingurin lesur søgu (ið hann hevur funnið og vant heima) fyri 1. floks næminginum.

- Tey spæla roknispøl saman (yatzy, 10.000 ella annað).

- Spæla saman í høllini.

- Fara túr oman í Hoyvíkina.

- Osfr.

Somuleiðis er tað fast, at vinaflokkarnir kvøða saman í jan. - feb.

Tað eru í ár 32 næmingar í 1. flokki, og verða tí fleiri dreingir tveir og tveir um ein 1. floks næming. Hjá gentunum gongur næstan upp, bert tvær gentur verða saman um eina í 1. flokki.

Vit eru sera spent at byrja. :D

Sjá skjalið niðanfyri at síggja hvør er saman við hvørjum. :)

Hvør skal hava hvat við?