Boð til foreldraumboðini!

Uppmøting

Tað kemur tíverri alt ov ofta fyri, at næmingarnir eru ov seinir í skúla, og hetta tarnar undirvísingini. Vinarliga tosið við børn tykkara um hetta.

Toymið hevur avgjørt, at tá mánaðurin er av, telja vit upp, og er næmingurin ov seinur í skúla 5 ferðir ella meira verða boð send heim.

Er barnið burtur senda tit eini boð til flokslæraran.Eisini um tað er ein part av degnum (t,d lækna, tannlækna o.a) 

At binda bøkur inn .....

Hósdagin bleiv sagt, at bøkurnar ikki skulu bindast inn í toy umsløg, tá ið hetta fer illa við bókunum.

Men fleiri hava longu keypt toy umsløg. So eftir at hava tosað við bókavørðarnar, eru vit komin til ta niðurstøðu, at tey, ið longu hava keypt toy umsløgini, kunnu brúka tey hetta skúlaárið.

Kunningin kom ov seint út - haldið okkum til góðar.

Vh. toymið

Heimkunnleiki

Hósdag:

Ása

David G.

David J.

Eva

Heini B

Hildigunn

Naomi

Rúni

Sámuel

Sandra

Símun N

Símun Ø

Sofía

Fríggjadag

Høgni

Ida

Katrin

Maria

Rói

Árant (9.fl)

Heidi B (9.fl)

Maria L. (9.fl)

Poula (9.fl)

Royða (9.fl)

Saranja (9.fl)

SannaT (9.fl)

Simona (9.fl)

Tóri (9.fl)

Árliga útferðin

Fríggjadagin 21. juni 2019 fer skúlin árligu útferðina.

Um veðrið verður til vildar, ætla vit í ár, at okkara felags gongutúrur byrjar uppi við Hotel Føroyar. Vit ganga eftir rossagøtuni niðan á Vesturvarða, har útsýnið er frítt oman yvir býin og út á hav.

Frá Vesturvarða verður farið eftir fjallagøtuni niðan á Kleynsvarða, har vit hvíla okkum eina løtu. Haðanífrá halda vit leiðina fram eftir vegnum til drekkivatnsbrunnin í Villingadali, og ganga síðani heim í skúlan. 

Vit møta við kappríðingarbreytina í Marknagili í seinasta lagi kl. 8.30.

Fyri at avmarka ferðsluna og koyringina niðan á Oyggjarvegin, er ein møguleiki at samskipa bilaflutningin. Foreldur ella grannar kunnu t.d. avtala sínámillum at fylla ein bil heldur enn at fara við einum barni í hvørjum bili.

Hetta er ein lættur gongutúrur. Veðurforsøgnin fyri fríggjadagin sær hampiliga gott út, men havið heit og góð gonguklæðir, ein góðan matpakka og okkurt at drekka við á túrin.

Skúladagurin hjá teimum eldru næmingunum endar, tá vit koma aftur á Løgmannabreyt. Rokni við, at tað verður um middagsleitið. Næmingarnir í 1. og 2. fl. fara í frítíðarskúla.

Floksveitsla 13. juni

Góðu tit 

Hóskvøldið 13. juni verður hugnakvøld hjá 7. flokki. Vit møtast í flokshølinum kl. 19 til eitt hugnaligt kvøld við góðum mati, spølum, tónleiki ,o.ø.

Kostnaðurin er 100 kr. fyri hvønn. Peningurin skal latast lærarunum í seinasta lagi mikudagin 12. juni.

Vinarliga,

Foreldrabólkurin

"Hvat ætlar tú at verða, tá ið tú verður vaksin?"

• Hugsið um eina útbúgving ella eitt starv, ið tú kundi hugsað tær í framtíðini.
• Skrivið niður og grundgevið fyri, hví tit júst hugsa um hesa útbúgvingina.

Til konfirimantar sum skulu fermast í heyst

Boð eru komin frá Theodor, presti, at hann ætlar at byrja við konfirmantunum, sum skulu fermast í heyst, týsdagin 5. Feb
Hann innkalla tí konfirmantarnar og foreldur til innskriving mánadagin 4. februar kl. 17.

Bøkur, tøkar á netinum:

Skygni 7

Kristni 7

Heimssøga

Landafrøði 1

Lívfrøði til 7. flokk

Annars kann leitast eftir bókum inni á snar.fo

Fyrsta støðumet

Týsdagin 18 desember kl. 16 til 18 verður jólahald í skúlanum. Aftaná framførslurnar eru foreldur, systkin og onnur, ið eru við barninum, vælkomin inn í floksstovuna hjá 7. flokki til ein drekkamunn og okkurt lætt afturvið. Vit fara í hesum sambandi at heita á tykkum, um at taka hetta við.:

Reyð: Piparnøtir ella smákøkur
Gulir dreingir: Ein eskja av karamellum 
Gular gentur: Nøtir ella turkaða frukt 
Grøn: Klementinir ella aðra frukt ( t.d. víndrúur el. niðurskorna frukt) 
Blá: Eina kannu av kaffi og eina kannu av te
Foreldrabólkurin tekur saft og mjólk við.

Vinarliga setið tingini inn í flokshølið, áðrenn framførslurnar byrja.

Eftir áheitan frá skúlaleiðsluni verða tit biðin um at taka kopp við sjálvi. Børnini hava í heyst arbeitt við ábyrgdarfullari nýtslu og framleiðslu, og tí fer skúlin ikki at brúka einnýtis koppar til jólahaldið.

Vit gleða okkum til eina hugnaliga løtu saman

https://lyricstranslate.com/en/flyv-med-mig-touch-sky-fly-me.html

1) Når en kølig morgenbrise

Blæser himlen ren og blå

Kan jeg høre bjerge synge

Det er mig, de kalder på

Nidurlag:

Jeg må ud,

jeg' på vej

Frie fugle, flyv med mig

Jeg' på vej

Frie fugle, flyv med mig

na na, na na na na....

2)Evigheder bli'er spejlet

I vand, der er klart og koldt

Dunkle skove fulde af gåder

En klippe, stejl og stolt

Jeg vil høre dem fortælle

Naturen vild og rå

Og så låne af al dens styrke

Gi' drømmene vinger på

Nidurlag

Jeg må ud,

jeg' på vej

Frie fugle,

flyv med mig

Jeg' på vej

Frie fugle, flyv med mig

Jeg er på vej

Frie fugl, flyv med mig

Jeg er på vej 

na na, na na na na....

Til næmingar í Skúlanum við Løgmannabreyt
 
Nú hevur tú høvið at festa tína søgu á blað og vera við í kappingini um at vinna bøkur til jóla.

Tú velur sjálv/ur heitið á søguni, hvussu nógv orð søgan telur, og um tú skrivar við hond ella á teldu.

Tær bestu søgurnar verða lisnar upp í Miðhøll.

Seinasta freist at lata søguna inn til kappingina er hósdagin 6. desember 2018 á skúlabókasavninum.

Minst til at skriva títt navn og flokk

30. novembur kl. 15-17 verður tiltakið "børn hjálpa børnum".

Tiltakið hevur verið áður, men hevur nú skift heiti. 

Næmingar fara at gera ymiskt at selja, lutaseðlasøla verður, og øll kunnu keypa sær ein góðan køkubita.

Vit vóna at síggja nógv foreldur, ommur og abbar og onnur eru eisini hjartaliga vælkomin.

100

Uppgávan er at lýsa 100 á ein kreativan og fjølbroyttan hátt. (Er ætlanin at nýta lutir, er tað krav, at allir lutirnir eru líka).

"Lutirnir" skulu latast inn hósdagin 15.nov.

Vit sýna lutirnar fram í námsfrøðiliga deplinum :)

Samandráttur av foreldrafundinum

Foreldrafundurin 05.09.2018 
 
Samandráttur: 
 
Nýtt toymið er um 7.fl.. Í toyminum er Brynhild, Drós, Mariann og Bogi. Samstarvið millum skúla og heim koyrir so vítt gjørligt ígjøgnum kontaktlærarar. Toymið setti fram ynski, at man roynir at halda hetta samstarvið til ímillum kl. 8-16. Tó so, at um eitthvørt átroðkandi er, er man sjálvandi vælkomin at seta seg í samband við lærararnar. 
 
Flokkurin er farin frá 6. flokki til 7. flokk – og hoyrir sostatt til hádeildina. Tá hendir eitt skifti, har tey fakligu krøvini verða herd, umframt at næmingarnir skulu hava próvtøl og støðumet. Tí verður arbeitt við arbeiðslagi og at fáa sum mest burturúr í skúlanum. Næmingarnir hava eisini meira skúlating í ár. 
 
Viðvíkjandi spælibólkum og føðingardegum, eru ávísar broytingar komnar í. Spælibólkarnir steðga, nú tey eru komin í hádeildin. Somuleiðis tað, at geva føðingardagsgávur í flokkinum. Viðv. at bjóða í føðingardag heldur sama skipan áfram, har tveir litir verða paraðir saman (Reyð og blá eru saman og gul og grøn eru saman) ella gentir bjóða gentum og dreingir bjóða dreingjum. 
 
Flokkurin hevur ein árskalendara, har tiltøk, innlætingar oa. eru at síggja.  Kalendarin liggur í boðklivanum. 
 
Flokkurin fer eisini at arbeiða við at “knýta skúlan og samfelagið saman”, har vit ma. hyggja at, hví støddfrøði, føroyskt, enskt o.s.fr. er viðkomandi at læra.  
 
Kunnað bleiv um lærugreinarnar, har onkur nýggj lærugrein er komin.  
 
Toymið greiddi eisini frá floksreglum, ið eru innførdar í flokkin.  
Tímin byrjar kl. 8.00, og tá eiga næmingar at verða møttir. Um teir eru ov seinir, muga teir boða frá, tá teir koma.  
Klæðir, skógvar o.l. skal í skáp teirra úti í gongini. 
Skúlatingini eiga, eins og onnur ár, at verða gjørd.  
Um man hevur súkklu við í skúla, skal man eisini hava súkkluhjálm. Eisini er eitt ávíst øki, ið tey sleppa at súkkla á. 
   
Viðv. trivnaði, so verður hetta áhaldandi eygleitt og ymiskt verður gjørt, soleiðis at hesin gerst enn betri, eitt nú kann nevnast hugnakvøld, floksfundir, næmingasamrøður osfr. Eisini stendur øllum í boði at venda sær til AKT-læraran og heilsufrøðingin á skúlanum.  
Tað er tó sera týdningarmikið, at samstarv millum skúla og heim er gott. Tí skulu foreldur ikki halda sær aftur at siga frá ella spyrja um trivnaðin hjá børnum teirra. 
 
Onkrar viðmerkingar vóru.  
Eitt nú skulu lærarar minna næmingar á, ikki at taka allar bøkurnar við í skúla ella úr skúlanum, tá teir ikki nýta tær – fyri at lætta um tíðum sera tungar bøkur.  
Eisini var spurt um telefon og teldupolitikk. Teldur og telefonir kunnu nýtast, men bert tá lærarin gevur loyvi til tess. Hevur man egna eind við, dekkar trygging skúlans ikki skaða ella svinn.  
 
At enda blivu foreldraumboð vald. Tey eru:  
Sigrun (Teitur) 
Una (Aron og Julian) 
Birita (Fríði) 
Unn (David G) 

Floksfundur 18.sept.

Floksfundurin í dag verður í tveimum - dreingirnir hava ein floksfund, og genturnar hava ein.

Á skránni á floksfundinum verður ma. tosað um lívið sum tannáringur, kropsligar broytingar, hvussu vit eru ímóti hvørjum øðrum osfr.

Kala, heilsusystirnir, verður við á floksfundi hjá gentunum.

Tykkum til kunningar

Vit eru gjørd varug við, at happing er í flokkinum. Hetta verður als ikki góðtikið!

Vit hava tí í dag snakkað við allar næmingarnar ein og ein. Hetta hevur gingið gott.

Næmingarnir hava ikki havt vanliga tímatalvu.

Vinaliga snakkið við barn/børn tykkara um dagin, og um týdningin av, at øll eru ein partur av einum felagsskapi, sum í teirra føri er 7. flokkur.

Framyvir fara vit at eftirmeta og snakka um, hvussu gongur við trivnaðinum í flokkinum.

Toymið ynskir, at øll 51 og lærarar hava tað gott, trívast og hava virðing fyri hvørjum øðrum.

Vónandi stuðla tit næmingum og lærarum í royndina at forða/týna happing :-)

Vinaliga

Brynhild, Bogi, Drós og Mariann

Leitið eftir bókum heima!

Góðu foreldur og næmingar

Vit skulu hava nýggja bókasavnsskipan og eru tí farin undir at rudda út í gomlu skipanini. Vinarliga leitið heima um tykkara barn/børn hava bók/bøkur, har freistin er farin. Allir næmingar hava fingið seðil heim við. Vinarliga skriva á seðilin um bókin/bøkurnar ikki eru at finna heima og latið læraranum seðilin aftur skjótast gjørligt.

Hugnakvøld 6. sep 19.00- 21.00

Vit skipa fyri einum hugnakvøldi hóskvøldi 6. sep

Næmingarnir skulu hava etið døgurða áðrenn tey koma.

Næmingarnir hava latið 200 kr til okkum. Vit hava keypt heftir fyri ein part og síðani er ætlanin at brúka ein part til hugnakvøld o.l. tí skulu tey ikki koma við peningi til okkum fyri hetta hugnakvøldi

Vit gleða okkum at hugna okkum saman við 7. flokki

                                                           Vinarliga toymið

Felags foreldrafundur 

Felags foreldrafundur verður í flokshølinum mikukvøldið 5. sep frá kl 17:00 -18:00

Vit kunna um nýggja toymið og um skúlaárið 18/19

Vinarliga toymið

Yvirlit yvir kontaktpersónar

Yvirlit yvir nýggju litirnar 

Vælkomin til skúlaárið 2018-2019.

Vit í toyminum í 7. flokki gleða okkum til eitt spennandi og læruríkt ár saman við tykkum.

Vit fara at biðja um 200 kr, ið vit nýta til hefti, mappur o.a. til næmingarnar.

Yvirlit yvir nýgju lititnar er komið út. Nýggja yvirlitið yvir kontaktpersónar kemur mánadagin 20. august

Vinarliga toymið

Mariann, Bogi, Brynhild og Drós

Góðu næmingar og foreldur í 6. flokki

Leygardagin byrjaði mítt barnsburðrfarloyvi og eg hevði sostatt síðsta arbeiðsdag fríggjadagin. Eg fari at nýta høvið at takka fyri hetta skúlaárið og ynskja tykkum alt tað besta framyvir. Um tit hava boð viðvíkjandi sjúku o.a., eru tit vælkomin at seta tykkum í samband við Drós á tlf. nr. 280378

Vinarliga

Mirjam

Sova í skúlanum :)

Hósdagin 7. juni fara vit at sova í skúlanum. Vit møta um kl. 18.30 og byrja við at eta pitsa saman. Afturvið verður saft at fáa. Síðani fara vit at hugna okkum við spølum o.a. inni í høllini.
Dreingirnir fara at sova í amboðsrúminum í høllini. Genturnar fara at sova í sangstovuni.
Fríggjadagin er vanligur skúladagur – tó nýta vit 1.-2. tíma at eta morgunmat saman.
At hava við: Matpakka til fríggjadagin og 30 kr. í lummapeningi. 
Soviposa, undirlag, (kodda), náttklæðir, tannbust, tannkrem, o.a. tit vanliga nýta, tá ið tit fara í song
og klæðir til næsta dagin. Tað kann vera rættiliga kalt at sova í høllini, so hugsi um tað, tá ið tit
pakka. Telefonin verður antin liggjandi heima, ella stongd inni í skápinum eins og vanligt. Tað er ikki neyðugt at hava skúlatasku við :)

Tit vera biðin um at hava 20 kr. við til morgunmatin fríggjadagin. Pitsa og saft verður goldið við peningi, ið hevur lopið av frá øðrum tiltøkum. 

Góðu foreldur :)

Vit í foreldrabólkinum skipa fyri hugnakvøldi fyri 6. flokki komandi mikudag 9. mai frá 18-21 (frídagur hósdagin :) ). Vit møtast í flokksstovuni kl. 18, har borðreitt verður við pizza og sodavatni og fara síðani at spæla spøl og hugna okkum saman. Vit næmingarnar hava 100 kr. við í skúla mánadagin at geva læraranum. Vit gleða okkum :)
Vinaliga foreldrabólkurin

Seturskúli 17.-19. apríl 2018

Góðu næmingar og foreldur í 6. flokki 

Í døgunum 17. til 19. apríl fara vit á seturskúla í leguhúsinum í Nesvík. Skúlin rindar fyri ferðing og gisting, og vit fara at biðja tykkum um 200 kr. hvør fyri mat. Tað hevði verið gott, um nøkur foreldur kunnu baka bollar ella skuffukøkur. Vinarliga sendið okkum eini boð, um tit ynskja at baka.  

Í Nesvík eru góðar umstøður at vera úti, so tí er umráðandi, at øll hava hóskandi klæðir og skógvar við.  

Annað at taka við:  

- Seingjarklæði ella soviposa 

- lak

- Myndatól 

- Fótbólt, brettspøl o.a.

- Ein matpakka til á middegi týsdag

- Lummapening. Tað er í mesta lagi loyvt at brúka 50 kr. um dagin.

Vit hava avgjørt, at tað ikki er loyvt at hava fartelefon ella teldil við. Lærararnir hava telefon við, ið tit kunnu læna, um tit fáa tørv á tí.  

Eru spurningar ella eitthvørt, ið tit vilja boða okkum frá, eru tit vælkomin at ringja. 
Vit vóna, at undirtøkan verður góð og gleða okkum til at vera saman við tykkum hesar dagar.

Blíðar heilsanir 

Søren, Drós og Mirjam 

Vinarliga gjaldið 200 kr. innan hósdagin 12. apríl 2018
 

Verkætlan

Góðu foreldur og næmingar 
Komandi tíðina fara vit undir eina spennandi verkætlan, Nordlinien, sum er eitt málsligt og tvørmentanarligt samstarv millum fólkaskúlar í Íslandi, Føroyum og Danmark.  
Vit báðar (Drós og Mirjam) vóru seinasta vikuskifti á skeið í Reykjavík, har vit hittust við øðrum læraranum. Okkara samstarvsflokkur verður Vinding Skole í Vejle. 
Í verkætlanini skulu næmingarnir m.a. gera ein film, har tey presentera sítt nærumhvørvi, skúla, og, um tey ynskja tað, sítt heim. Eisini fara tey at gera spurnarkapping til teir donsku næmingarnir og umvent. Talan er um tríggjar heilar eventdagar, sum verða tann 5., 6. og 18. apríl. Fríggjadagin fingu næmingarnir eitt bræv heim við, har tit kunnu lesa meira um verkætlanina.  Brævið er eisini lagt út her á boðklivan.  
Vit vóna at tit taka væl ímóti verkætlanini, og vilja heita á tykkum um at útfylla skemaðið á síðu 2 og geva okkum tað aftur í seinasta lagi týsdagin. 
Verkætlanin  er ein góður møguleiki hjá næmingunum at sleppa at royna seg á donskum, bæði munnliga og skrivliga, og vit vænta at næmingar, bæði í SVL og Vinding skole, fara á fáa nógv burturúr eventdøgunum.   
Blíðar heilsanir 
Drós og Mirjam 

Góðu næmingar og foreldur! 

Hósdagin 1. mars og hósdagin 8. mars fer 5. flokkur at selja toast og kakao í matarsteðginum. Talan er um rugbreyðs toastar. (Møguleiki er at fáa toast uttan ost og eisini er møguleiki at fáa gluten-frían toast.)

Ein toastur kostar 10 kr. Eitt kakao sunkist kostar 5 kr. (Næmingarnir kunnu í mesta lagi keypa eitt sunkist.)

Peningurin, ið kemur inn, fer óskerdur til at hjálpa børnum og ungum, ið eru knýtt at barnaheiminum og skúlunum hjá NLAI (New Life Africa International) í Nakuru í Kenja. 

Vit takka hjartaliga:

Mylnuni, ið stuðlar við rugbreyði

Miklagarði, ið stuðlar við skinku og osti.

MBM, ið stuðlar við kakao sunkistum. (Til sølu 1. mars)

Damfar, ið stuðlar við lítlum muffins. (Til sølu 8. mars)

Klæðir til jólaleikin 
 
Í morgin venja vit í teimum klæðunum, vit hava avtalað tit skulu vera í. Um tit ikki eiga okkurt, so finna vit útav tí – tað er ikki ætlanin, at tit skulu út at keypa nakað nýtt.  
 
Esther: brillur, skjúrtu (vit hava tvær), eina cardigan ella klædningsjakka, penar buksur 
Maria, Lea Ey., Lea S.: náttklæðir (eina t-shirt, leysar buksur), onkra bamsu til Leu Ey (onkur liggur á skúlanum). Um tit hava onkur diddulig ting at pynta ”kamarið” við, so mugu vit gjarna taka tað við 
Villiam: Svarta t-shirt, myrkar buksur, einar fínar skógvar. 
Sigrun, Rúna, Sofía, Katrin: Svartar kjólar, sokkabuksir ella leggings (vit hava nakrar eyka kjólar) 
Símun Ø. Og David G.: myrkar buksur, hvíta skjúrtu, butterfly ella slips (vit hava eina eyka skjúrtu) 
Tóki og Rógvi: Tóki, átti tú onkran army-vest? Annars hava vit alt hitt. 
Tórur: hav keppin við 
Kristina: svartar sokkabuksur ella leggings, svarta t-shirt, har tað er pláss fyri einari pútu innanfyri.  
Símun N.: onki hava við 
Hedvig: klædningsjakkin, svartar buksur 
Heini B. og Rói: penar buksur (ikki jogging), hvíta skjúrtu, slips (um tit eiga) 
Elisa: ein kjóla 
Hildigunn: tað sum tú vart í hin dagin 
Rúni, Naomi, Aron, Julian, Fríði, Høgni, William, Petur: summarklæðir, t.d. t-shirt, stuttar buksur, kepp, sólbrillur 
Anna Elisabeth, Sandra, Sámuel, Heini S, Tór Magnus: okkurt avslappað, sum tit ganga í vanligt (ikki H71 ella annað prent á), ternuta skjúrtu (vit hava 4), svørt ella brún teppir (vit hava nøkur) 
Hanna, Eva, Dávid B: onkur myrk klæðir, svørt ella brún teppir (vit hava nøkur) 
Ása: onki hava við 
Rókur, Dávid J, Karina: myrka t-shirt og buksur 
Lív og Sandra: svartar kjólar ella brus+buksir 

MYNDATØKA
Hósdagin 26. oktobur fer Per á Hædd at taka skúlamyndir. Talan er um ein myndapakka, sum inniheldur:
1 stk              floksmynd                         20x30 í litum
1 stk              einkult mynd                     13x18 í litum
2 stk              einkult mynd                     10x15 í litum
2 stk              einkult mynd                     10x15 svart/hvítt
4 stk              einkult mynd                     6x9 í litum
24 stk           passmyndir                       í litum
Kostnaðurin er kr. 250,-, ið skal flytast á konto 9181-5101710, áðrenn týsdagin 24.oktobur. Minst til at viðmerkja navn og flokk.
Tað ber eisini til bara at keypa sær floksmyndina. Tá er prísurin kr. 100,-, ið skal flytast á konto 9181-5101710, áðrenn týsdagin 24.oktobur. Minst til at viðmerkja navn og flokk.
Myndirnar kunnu avheintast á skúlanum, tá tiltakið “Í mennskjum góður tokki” er tann 1.desembur.
Tað er ikki møguligt at taka systkinamyndir.
  
Vinarliga
Skúlin við Løgmannabreyt

Skráin til foreldrafundin:

• vælkomin
• framløga um samrøðubólkar (Sigrid og Kala)
• fakini
• ymiskt praktiskt
• trivnaður
• jólaleikurin
• val av foreldraráðið
• ymiskt

Góðu næmingar og foreldur!

Vælkomin til skúlaárið 2017-2018. Vit í toyminum í 6. flokki gleða okkum til eitt spennandi og læruríkt ár saman við tykkum.

Í komandi viku verður kunning send út, hvør lærari verður kontaktpersónur at hvørjum einstakum næmingi. Inntil tá kunnu tit ringja/senda boð á tlf. 280325 (Mirjam) um sjúku o.a.

Vit fara at biðja um 100kr., ið vit vilja nýta til hefti, mappur o.a. til børnini.

Vinarliga

Søren, Drós og Mirjam

Flokshugni sum foreldrabólkurin skipar fyri 

Nú nærkast summarfrítíðin og ætla vit í foreldrabólkinum at skipa fyri einum hugnadegi fyri børnunum (uttan foreldur) hósdagin tann 15. juni.
Ætlanin er at koyra niðan til kupilin á Sornfelli, har víst verður runt, og aftaná at hugna okkum í skúlanum.

Farið verður beint eftir skúlatíð (uml. kl. 13:30) við bilum niðan á Sornfelli, har rundvísing verður inni í kuplinum.
Rundvísingin tekur umleið 2 tímar. Aftaná verður farið oman aftur í skúlan at eta pitsa og hugna okkum.
Hugnakvøldið er liðugt kl. 20:00.
Kostnaður fyri hvønn 100 kr. - freist at gjalda mánadagin 12. juni til lærararnar.

Gott hevði verið, um nøkur foreldur kunnu koyra aftur og fram.
Sum er, hava vit fart til 14 børn, so neyðugt er við nøkrum bilum afturat.

G.G. Børnini mugu hava ein eyka matpakka við at eta, áðrenn farið verður nidan á Sornfelli.

Vit síggjast :-)
Heilsan foreldrabólkurin."

Góðu foreldur

Nú havi eg fingið arbeiðstelefon, og tit kunnu fáa fatur á mær á 280325.

Mikudagin fingu næmingarnir eitt bræv heim við um serlæknavitjan. Hava tit spurningar viðvíkjandi hesum, kunnu tit ringja til Barnatannrøktina í Tórsgøtu, tlf. nr 253030.

Gott vikuskifti!

Vh Mirjam

Góðu foreldur

Mítt nummar 280325 er enn ikki virkið, men hava tit spurningar viðvíkjandi føroyskum ella kristni, eru tit vælkomin at senda ein teldupost á mirjam.simunardottir.davidsen@skulin.fo

Vinarliga

Mirjam

Ein lítil heilsan

Góðu tit øll

Eg vil boða frá, at eg veri burtur frá arbeiðið næstu 5 vikurnar.

Tað er soleiðis, at eg var so óheppin, at verða sjúkrameldað í juni og juli, og tískil haldi eg summarferiuna nú.

Fyri meg koma Maja, Rebekka og Lisa í Dali, tær deila mína tímatalvu millum sín.

Um tit skulu hava fatur á lærarunum, ber til at ringja til Lydiu 280317 og Mirjam 280325.

Við vón um alt tað besta

Kærar heilsanir

Lý

Kunning

Á felags foreldrafundinum 25.08.16 avgjørdu foreldrini, at føðingardagsbólkarnir skuldu broytast. Skúlaárið 2016/17 eru bólkarnir soleiðis - orange/pink saman og lime/turkis saman. Verður tikið upp aftur, um bólkarnir verða broyttir aftur skúlaárið 2017/18.

Foreldrini avgjørdu eisini at halda áfram við, at næmingarnir geva eina gávu á max 50 kr - gentur keypa til gentu - og dreingir keypa til drong. Gávurnar skulu vera okkum  í hendi í seinasta lagi 12.09.16 - eru allar ikki innkomnar tá, so fáa tey, ið hava latið inn, gávurnar aftur. Orsøkin til hesa avgerð er, at vit í fjør máttu rykkja eftir gávum heilt fram í juni-mánaða!!

Nýggj foreldraumboð vórðu eisini vald, og tey eru:

Durita - mamma Heina S.

Heidi - mamma Rók

Heini - pápi Høgna

Anna Petra - mamma Hedvig

Annika - mamma Sandru